Derbyn datganiadau o ddiddordeb personol a rhagfarnol (os o gwbl) gan Aelodau / Swyddogion yn unol â darpariaethau'r Cod Ymddygiad Aelodau a fabwysiadwyd gan y Cyngor o 1 Medi 2008.

I dderbyn am gymeradwyaeth y Cofnodion cyfarfod y 12/01/23

PENDERFYNWYD:       Cymeradwyo cofnodion cyfarfod Pwyllgor Rhianta Corfforaethol y Cabinetdyddiedig 12 Ionawr 2023 fel cofnod gwir a chywir.

Cyflwynwyd yr adroddiad gan y Swyddog Rhianta Corfforaethol a Chyfranogi ar gyfer Pen-y-bont ar Ogwr a’i bwrpas oedd rhoi diweddariad i Bwyllgor Rhianta Corfforaethol y Cabinet ar ddatblygiad Rhianta Corfforaethol ym Mhen-y-bont ar Ogwr.

Dywedodd, fel y soniwyd yn yr adroddiad, bod y gwasanaeth mewn sefyllfa lle roedd cyfarfodydd is-grwpiau yn cael eu cynnal yn chwarterol, roedd cyfarfod y bwrdd wedi cael ei integreiddio'n llawn, gan bartneru gyda nifer o asiantaethau ac roeddent mewn sefyllfa lle roedd eu strategaeth yn barod i gael ei lansio ddydd Iau, y 27^ain o Ebrill 2023.

Cynlluniwyd y strategaeth newydd gyda chyfieithiad i'r Gymraeg ac roedd yn egluro pwrpas y gwasanaeth, eu cynlluniau, eu blaenoriaethau, sut yr oeddent yn bwriadu gwerthuso cynnydd a deall gofynion y dyfodol.

Dywedodd y Swyddog Rhianta Corfforaethol a Chyfranogi hefyd eu bod wedi sicrhau 45 o addewidion o fewn y strategaeth a dyna oedd eu hymrwymiadau hwy fel gweithwyr proffesiynol amlasiantaethol, arweinwyr ac uwch reolwyr. Roeddent yn mynegi eu bwriadau, pob un yn ei swydd ei hun, i gefnogi plant, pobl ifanc a'r rhai oedd yn gadael gofal, oedd wedi cael Profiad o Ofal. Roedd y gwasanaeth i gael ei ddwyn i gyfrif gan y Fforwm Ieuenctid ac roedd mesurau wedi cael eu sefydlu gan y Fforwm i’w galluogi i gael cymorth i gwestiynu unrhyw un o’r addewidion hyn a gwerthuso cynnydd gyda chefnogaeth Tros Gynnal Plant (TGP Cymru). Mae TGP yn ddarparwyr eiriolaeth ac maent yn cynorthwyo'r fforwm ynghyd â'r Swyddog Rhianta Corfforaethol a Chyfranogi. Gorffennodd drwy wahodd yr holl aelodau i fynychu'r Lansiad a drefnwyd yn ddiweddarach yn y mis.

Dywedodd y Cadeirydd ei bod yn falch o'r broses a ddilynwyd a'r cynnydd a wnaed. Roedd yn falch o gael gwybod bod mecanwaith cadarn ar waith yn awr i sicrhau bod plant a phobl ifanc yn cael eu clywed ac yn cael gwrandawiad.

Dywedodd eu bod wedi ei weld yn ddiddorol pan oeddent yn cychwyn ar y daith hon nad oedd sefydliadau eraill oedd â chyfrifoldeb am rianta corfforaethol yn deall beth oedd eu cyfrifoldebau a'u dyletswyddau. Ers hynny, mae’r Sefydliadau hyn wedi bod yn ymgysylltu mwy ac mae gan CBS Pen-y-bont ar Ogwr ffocws gwell ar yr hyn sy’n ofynnol ar gyfer pobl ifanc sydd â Phrofiad o Ofal.

PENDERFYNWYD:   Bod y Pwyllgor wedi ystyried cynnwys yr Adroddiad ac yn cefnogi cynnydd datblygiad Rhianta Corfforaethol.

Cyflwynwyd yr Adroddiad gan Bennaeth Gofal Cymdeithasol Plant, a’i ddiben oedd rhoi diweddariad i’r Pwyllgor Rhianta Corfforaethol ynghylch:

• Cyllid grant a sicrhawyd gan Lywodraeth Cymru, o dan y Rhaglen Genedlaethol Gwella Canlyniadau i Blant, Dileu Elw Preifat, er mwyn datblygu a gweithredu gwasanaeth Fy Nhîm Cymorth (MyST).
• Adolygu gwasanaethau preswyl a therapiwtig o’r top i’r gwaelod.
• Y gwasanaeth preswyl newydd sydd wrthi'n cael ei ddatblygu ar gyfer plant.

Dywedodd fod yr adroddiad yn rhoi'r wybodaeth ddiweddaraf i'r pwyllgor am ddatblygiadau pellach yn y gwasanaeth lleoli, yn enwedig o fewn y ddarpariaeth breswyl ym Mhen-y-bont ar Ogwr, a'r cymorth therapiwtig oedd yn cael ei gynnig i’r Plant â Phrofiad o Ofal fel yr amlinellwyd yn yr adroddiad.

Dywedodd Pennaeth Gofal Cymdeithasol i Blant fod y gwasanaeth wedi cyflwyno bid i Lywodraeth Cymru yn ystod hydref 2022 dan agenda dileu elw er mwyn gwella eu darpariaeth a’u datblygiad presennol ymhellach, sef y modelau yr oeddent yn gobeithio ymhelaethu arnynt, a ddisgrifiwyd yn fanwl yn yr adroddiad.

Dywedodd eu bod wedi sicrhau cyllid i ehangu'r staff a'r sefydliad ar draws y ddarpariaeth breswyl ym Mhen-y-bont ar Ogwr fel y gallent gael set sgiliau fwy amrywiol o brofiad yng ngharfan y staff i gartrefi sy'n darparu ar gyfer plant sydd wedi bod mewn gofal ar hyn o bryd.

Ymhelaethodd Pennaeth Gofal Cymdeithasol Plant ar rôl gwasanaeth “Fy Nhîm Cymorth (MyST)” gan nodi ei fod yn ymwneud â chreu tîm o amgylch y plentyn, fydd yn asesu ei anghenion ac yn nodi'r dewis gorau ar gyfer sefydlogrwydd a’r cymorth cofleidiol i sicrhau hynny. Cyn cwblhau’r rôl, comisiynwyd y Sefydliad Gofal Cyhoeddus i adolygu’r dulliau gweithredu presennol a gyflwynwyd hyd yma a gofynnwyd am argymhellion ynghylch y ffordd orau i wneud y gorau o’r cyllid i adeiladu ar brosesau presennol er mwyn darparu mwy o gymorth i blant a phobl ifanc ag anghenion cymhleth, y mae arnynt angen ymyriadau dwys i oresgyn trawma. Dywedodd mai’r nod oedd cofrestru’r ddarpariaeth newydd “Meadows View” erbyn Mehefin 2023 a’r gobaith oedd y byddai’n barod i agor gyda’r tîm newydd yn ei le. Daeth â'i chyflwyniad i ben a gwahoddodd gwestiynau iddi hi ei hun a/neu'r Swyddog oedd yn Unigolyn Cyfrifol - Gofal Cymdeithasol Plant.

Dywedodd y Cadeirydd ei bod yn teimlo bod y model wedi'i lywio gan drawma yn fodel ardderchog o arfer da. Dywedodd ei bod yn teimlo ei fod yn hyblyg iawn ar gyfer gweithio gyda'r galwadau cynyddol a chymhlethdod yr achosion oedd yn cael eu derbyn. Cafodd Meadows View ei enwi gan blant Pen-y-bont ar Ogwr a’i barn hi oedd ei bod yn bwysig bod ganddynt berchnogaeth dros eu cartref eu hunain oherwydd mai dyna oedd hwn yn mynd i fod iddynt.

Mynegodd y Cadeirydd bryderon bod y gwasanaeth yn cynnig cytundebau cyflogaeth i'r staff newydd am ddwy flynedd tra roedd hi’n teimlo bod angen iddo fod yn barhaol gan na allai ddychmygu na fyddai angen y staff ar ôl y cyfnod hwnnw o ddwy flynedd.

Ymatebodd Cyfarwyddwr Corfforaethol y Gwasanaethau Cymdeithasol a Llesiant drwy ddweud,  ...  Gweld y cofnodion lawn ar gyfer eitem 24.

Cyflwynwyd yr Adroddiad gan Reolwr y Gr?p Peripatetig, a’i ddiben oedd hysbysu’r Pwyllgor am y cynnydd hyd yma o ran datblygu a gweithredu Panel Atal Camfanteisio gweithredol amlasiantaethol ym Mhen-y-bont ar Ogwr.

Rhannodd gyflwyniad gyda'r pwyllgor a gwahoddodd gwestiynau.

Dywedodd y Cadeirydd ei bod yn falch o weld cynnydd yn digwydd a gofynnodd am rywfaint o eglurder. Gofynnodd a oedd yr offer a grybwyllwyd yn y cyflwyniad yn cael eu defnyddio mewn Cymorth Cynnar ac Adrannau Damweiniau ac Achosion Brys oherwydd bod y strategaeth yn un ranbarthol. Dywedodd fod yr arolygiad wedi nodi ei fod yn rhywbeth i'r holl bartneriaid ac mai edrych am sicrwydd yr oedd hi.

Atebodd Rheolwr y Gr?p Peripatetig drwy gadarnhau bod Cymorth Cynnar yn rhan o ddefnyddio'r offer a grybwyllwyd ond rhoddodd sicrwydd i'r pwyllgor y byddai'n estyn allan i'r Ysbytai hefyd.

Gofynnodd aelod sut yr oedd yn bwriadu ymgysylltu â rhieni er mwyn sicrhau nad yw plant yn cael eu hecsbloetio.

Atebodd Rheolwr y Gr?p Peripatetig gan gyfeirio at waith a wnaed yn ei rôl mewn Awdurdod Lleol blaenorol, a dywedodd y byddai’n hapus i rannu’r adnoddau a ddefnyddid a thrwy hynny eu rhannu â chynulleidfa ehangach, ond dywedodd hefyd, fodd bynnag, mai gwaith yn datblygu ydoedd o fewn y lleoliad presennol.

Gofynnodd aelod a fu ystyriaeth i ymestyn ymgysylltiad cymunedol tuag at economi’r nos, sef tafarndai, clybiau nos a goruchwylwyr drysau.

Atebodd Rheolwr y Gr?p Peripatetig gan ddweud bod datblygu eu perthynas â'r gymuned ehangach yn hanfodol i'r strategaeth ac er ei bod yn broses araf, ei fod yn waith oedd yn mynd yn ei flaen.

Ychwanegodd yr Arweinydd fod camfanteisio o'r fath yn cael ei gelu a'i guddio lle ’roedd y bobl ifanc eu hunain yn cael eu gweld fel troseddwyr oherwydd bod rhai wedi camfanteisio arnynt i gyflawni troseddau. Holodd beth oedd rôl Heddlu De Cymru, oherwydd, er bod rôl hollbwysig gan yr awdurdod o ran diogelu a gwasanaethau cymdeithasol, bod rôl yr un mor bwysig gan Heddlu De Cymru i wneud y gyfraith yn glir i bobl/i’r cyflawnwyr, am mai plant a phobl ifanc y fwrdeistref oedd yn cael eu hecsbloetio. Fel y cyfryw, dylid ei ystyried yn drosedd ac felly roedd angen gwaith gyda Heddlu De Cymru i sicrhau bod y troseddau hynny'n cael eu canfod a’r troseddwyr yn cael eu dwyn gerbron y llys.

Dywedodd y byddai'n croesawu diweddariad yn y dyfodol gan Heddlu De Cymru.

Dywedodd Cyfarwyddwr Corfforaethol y Gwasanaethau Cymdeithasol a Llesiant fod gan Heddlu De Cymru eu strwythur a'u bod yn cefnogi'r gwaith a wnaed i atal ac i fynd i'r afael â chamfanteisio. Roeddent wedi creu adnodd canolog yn BCU oedd yn gysylltiedig â Heddlu De Cymru. Mae yna hefyd Uned Atal Trais (VPU) yr oedd y bwrdd diogelu wedi gwneud cais iddi, yr oeddent wedi'i nodi yn yr adnoddau ar gyfer CBSP. Dywedodd fod disgwyl i CBS Pen-y-bont ar Ogwr gael mwy o adnoddau strategol ar lefel ranbarthol i symud ymlaen a datblygu'r strategaeth ar draws CTM. At hynny,  ...  Gweld y cofnodion lawn ar gyfer eitem 25.

I ystyried unrhyw eitemau o fusnes y, oherwydd amgylchiadau arbennig y cadeirydd o'r farn y dylid eu hystyried yn y cyfarfod fel mater o frys yn unol â Rhan 4 (pharagraff 4) o'r Rheolau Trefn y Cyngor yn y Cyfansoddiad.

Dim