Cyflwynodd y Prif Swyddog – Cyllid, Perfformiad a Newid adroddiad yn rhoi'r wybodaeth ddiweddaraf am berfformiad ariannol refeniw'r Cyngor ar gyfer y flwyddyn a ddaeth i ben ar 31 Mawrth 2022 ac yn ceisio cymeradwyaeth ar gyfer trosglwyddiadau cyllideb rhwng £100,000 a £500,000, fel sy'n ofynnol gan Reolau Gweithdrefn Ariannol y Cyngor.

Rhoddodd y Prif Swyddog – Cyllid, Perfformiad a Newid grynodeb o'r sefyllfa ariannol ar 31 Mawrth 2022. Esboniodd, o ystyried y newidiadau a oedd wedi arwain at well sefyllfa ariannol ar ddiwedd 2021-22, fod y Cyngor wedi gallu cymhwyso rhywfaint o'r arian hwn i fuddsoddiadau i gefnogi ei drigolion. 

Rhoddodd y Prif Swyddog – Cyllid, Perfformiad a Newid grynodeb o'r sefyllfa ariannol ar gyfer pob prif faes gwasanaeth sydd wedi'u hatodi yn Atodiad 3 i'r adroddiad a gwnaeth sylwadau ar yr amrywiadau mwyaf arwyddocaol. Amlinellodd hefyd yr amrywiadau mwyaf arwyddocaol yng nghyllidebau'r Cyngor cyfan a chrynhoi'r symudiad ar gronfeydd wrth gefn a gafodd eu clustnodi.

Gofynnodd yr Aelod Cabinet dros Adnoddau i'w werthfawrogiad gael ei gofnodi ar gyfer Llywodraeth Cymru a'i gefnogaeth i Lywodraeth Leol yn dilyn lobïo llwyddiannus gan CLlLC, yr Arweinydd a swyddogion. Roedd yn falch o nodi bod Llywodraeth Cymru wedi gwrando ac ymateb.

Ategodd yr Arweinydd y sylwadau fod Llywodraeth Cymru wedi bod yn gefnogol iawn ac yn cydnabod eu bod wedi bod yn yr un sefyllfa â phenderfyniadau munud olaf gan Lywodraeth y DU. Gofynnodd i'r Prif Swyddog – Cyllid, Perfformiad a Newid a oedd awdurdodau eraill yn yr un sefyllfa gyda grantiau annisgwyl yn cael eu dyfarnu'n hwyr yn y flwyddyn ariannol. Gofynnodd, o ran yr arbedion sy'n weddill a nodwyd yn yr adolygiad o Waith Stryd, pe na baent yn cael cymeradwyaeth gan Lywodraeth Cymru, y dylai Cyfarwyddwr Corfforaethol Cymunedau ynghyd â'r Aelod Cabinet dros Gymunedau ysgrifennu at Lywodraeth Cymru i geisio cyflawni'r cynnig hwnnw i leihau'r gyllideb.

Cadarnhaodd y Prif Swyddog – Cyllid, Perfformiad a Newid fod pob awdurdod wedi derbyn arian yn hwyr yn y flwyddyn a'u bod yn adrodd yn debyg i Ben-y-bont ar Ogwr o ran tanwariant yn ystod y flwyddyn a mwy o gronfeydd wrth gefn. 

Ategodd yr Aelod Cabinet dros Gymunedau’r sylwadau. O ran yr arbedion a nodwyd fel rhan o'r adolygiad o Waith Stryd, gofynnodd pe na allent gael cymeradwyaeth gan Lywodraeth Cymru, y gellid ei ystyried yn bwysau corfforaethol ac nid yn bwysau ar gyllideb y cymunedau. 

 DATRYSWYD:      Cabinet:

• nodi'r sefyllfa alldro refeniw ar gyfer 2021-22

• argymell bod y Cyngor yn cymeradwyo'r trosglwyddiadau rhwng £100,000 a £500,000 fel yr amlinellir ym mharagraff 4.1.15