Derbyn datganiadau o ddiddordeb personol a rhagfarnol (os o gwbl) gan Aelodau / Swyddogion yn unol â darpariaethau'r Cod Ymddygiad Aelodau a fabwysiadwyd gan y Cyngor o 1 Medi 2008.

Dim

I dderbyn am gymeradwyaeth y Cofnodion cyfarfod y 25/05/21

PENDERFYNIAD:            Bod cofnodion Pwyllgor Trwyddedu 25/05/2021 yn cael eu cymeradwyo fel cofnod gwir a chywir

Cyflwynodd y Swyddog Polisi Trwyddedu adroddiad yn gofyn am gymeradwyaeth i gerbydau hacni cwbl drydanol sy'n hygyrch i gadeiriau olwyn ac sy'n rhan o Gynllun Peilot Fflyd Werdd Llywodraeth Cymru gael eu heithrio o rai amodau penodol y drwydded cerbydau hacni.

Eglurodd y Swyddog Polisi Trwyddedu fod Llywodraeth Cymru yn cyflwyno Cynllun Peilot Green Fleet mewn tair ardal ledled Cymru.  Byddai'r cynllun yn gweithredu menter 'rhoi cynnig arni cyn prynu', gan ganiatáu i yrwyr tacsi roi cynnig ar gerbyd cwbl drydanol sy'n hygyrch i gadeiriau olwyn am 30 diwrnod yn rhad ac am ddim.  Byddai'r treial yn cynnwys gwefru am ddim, yswiriant, trwyddedu cerbydau a byddai'n cael ei ariannu gan Lywodraeth Cymru.  Y cerbyd hacni dan sylw oedd Nissan Dynamo, sy'n hygyrch i gadeiriau olwyn. Ychwanegodd y byddai gofyn i yrwyr gwblhau arolwg gwerthuso ar ôl cwblhau'r treial ac y byddent yn cael gwybodaeth am gynlluniau/cymorth sydd ar gael ar gyfer perchnogaeth/prydles hirdymor cerbydau dim allyriadau.

Adroddodd y Swyddog Polisi Trwyddedu mai bwriad y peilot oedd cynorthwyo Llywodraeth Cymru i gyrraedd ei tharged o ddad-garboneiddio'r fflyd tacsis yn gyfan gwbl erbyn 2028, gan y gobeithid y byddai'n helpu gyrwyr tacsis i sylweddoli ar y manteision ariannol ac amgylcheddol a geir o ddefnyddio cerbydau dim allyriadau, ac y bydden yn eu tro yn cyfrannu at y symudiad oddi wrth gerbydau diesel/petrol at gerbydau dim allyriadau. Byddai'r cynllun yn rhedeg am 2-3 blynedd. Gofynnwyd am gynllun lliwiau llawn ar gyfer y cerbydau hacni a oedd yn rhan o'r cynllun peilot hwn i sicrhau bod y fenter yn cael ei hysbysebu ar draws yr ardal ac i annog eraill i fod yn rhan o'r cynllun. Manylwyd ar gopi o'r hysbyseb y gofynnwyd amdani yn Atodiad A i'r adroddiad. Er mwyn hwyluso trwyddedu’r cerbydau sy’n rhan o Gynllun Peilot Green Fleet, byddai angen diwygio amodau trwydded presennol Cyngor Bwrdeistref Sirol Pen-y-bont ar Ogwr ar gyfer cerbydau hacni. Cynigiwyd y byddai'r llacio ond yn berthnasol i'r cerbydau hynny a oedd yn rhan o'r Cynllun Peilot.

Eglurodd y Swyddog Polisi Trwyddedu, mewn cryn fanylder, yr amodau presennol sy’n ymwneud â lifrai, lleoliad sticeri adnabod yr Awdurdod Trwyddedu ar ddrysau a’u harwyddion to, a'r diwygiadau arfaethedig i'r amodau a fyddai’n galluogi trwyddedu cerbydau Peilot y Green Fleet. Cynhaliwyd ymgynghoriad 7 diwrnod gyda gweithredwyr hurio preifat y fanach dacsis, gan nodi'r newidiadau arfaethedig a gofyn am unrhyw sylwadau. Derbyniwyd un ymateb i'r ymgynghoriad a oedd yn nodi: "Mae'n swnio'n dda :) hoffem roi cynnig ar un os gwelwch yn dda, rydym wedi cael tipyn o alwadau am fysiau sy’n hygyrch i gadeiriau olwyn"

Gofynnodd aelod a oedd y gyrwyr tacsi a oedd yn cymryd rhan yn y cynllun yn gymwys o dan eu trwydded a'u hyswiriant presennol neu a oedd yn rhaid gwneud unrhyw ddiwygiadau. Atebodd y Swyddog Polisi Trwyddedu nad oedd angen unrhyw newidiadau i'r drwydded a bod yswiriant wedi'i gynnwys yn y cynllun.   

Gofynnodd aelod pam fod cerbydau o dan y cynllun wedi'u heithrio rhag bod yn wyn. Atebodd y Swyddog Polisi Trwyddedu y bu cais  ...  Gweld y cofnodion lawn ar gyfer eitem 65.

Cyflwynodd y Swyddog Polisi Trwyddedu adroddiad a oedd yn gofyn i'r Pwyllgor ystyried creu Datganiad Polisi Trwyddedu yn ymwneud â Cherbydau Hacni (Tacsi) a Cherbydau, Gyrwyr a Gweithredwyr Hurio Preifat gan ymgorffori'r safonau statudol a'r argymhellion a gyhoeddwyd yn ddiweddar gan yr Adran Drafnidiaeth (DfT) a Llywodraeth Cymru.

Eglurodd y Swyddog Polisi Trwyddedu fod yr Adran Drafnidiaeth (DfT), ym mis Gorffennaf 2020, wedi cyhoeddi Safonau Tacsis Statudol a Cherbydau Hurio Preifat a oedd yn canolbwyntio ar amddiffyn plant ac oedolion sy'n agored i niwed. Dywedodd yr Adran Drafnidiaeth fod ymgynghoriad manwl wedi ei gwneud yn amlwg fod consensws yngl?n â’r angen am safonau gofynnol craidd cyffredin i reoleiddio'r sector tacsis a cherbydau hurio preifat yn well (atodiad A i'r adroddiad).

Eglurodd y Swyddog Polisi Trwyddedu fod Llywodraeth Cymru, ym mis Mawrth 2020, wedi cyhoeddi Cerbyd Tacsi a Hurio Preifat: Canllawiau Trwyddedu i Gymru. Daeth y ddogfen hon yn sgil papur gwyn Llywodraeth Cymru 'Gwella Trafnidiaeth Gyhoeddus' a gyhoeddwyd yn 2018. Nod yr argymhellion a wnaed yn y ddogfen oedd darparu 'atebion cyflym' i wella cysondeb safonau trwyddedu a gwella diogelwch y cyhoedd ledled Cymru. Roedd yr argymhellion yn gosod sylfaen y gallai Lywodraeth Cymru ei ddatblygu’n safonau cenedlaethol. Roedd yr argymhellion wedi'u cynnwys yn Atodiad B. Amlinellwyd 5 rheswm gan Lywodraeth Cymru i fabwysiadu'r argymhellion, diogelwch y cyhoedd oedd y cyntaf. Dylai'r cyhoedd allu hyderu bod gyrrwr trwyddedig yn gymwys, yn onest, yn ddiogel, ac yn ddibynadwy. Yn ystod y blynyddoedd diwethaf cadwyd sawl adroddiad yn ymwneud â cham-fanteisio ar blant, ac roedd hynny wedi'i gwneud yn amlwg bod trefniadau gwan ac aneffeithiol trwyddedu tacsis yng Nghymru a Lloegr yn rhoi’r cyhoedd mewn perygl; gobaith yr argymhellion newydd hyn yw unioni hyn drwy wella diogelwch y cyhoedd ledled Cymru. Roedd hyn yn cynnwys diogelwch cerbydau hefyd, ynghyd â gwella'r safonau a osodir ar gyfer gweithredwyr hurio preifat. Roedd y rhesymau eraill dros fabwysiadu'r argymhellion yn cynnwys gwell cysondeb o ran safonau ledled Cymru, cysoni gorfodaeth, gwell hygyrchedd i gerbydau yng Nghymru, a safonau gwell o ran gwasanaeth cwsmeriaid.

Eglurodd y Swyddog Polisi Trwyddedu y byddai safonau statudol yr Adran Drafnidiaeth a chanllaw Trwyddedu Cerbydau Tacsis a Hurio Preifat Llywodraeth Cymru yn arwain at lawer o newidiadau i bolisïau ac amodau presennol. Y prif newidiadau oedd y byddai'n ofynnol i yrwyr ymuno â Gwasanaeth Diweddaru'r Gwasanaeth Datgelu a Gwahardd (DBS) a chael gwiriad gan y Gwasanaeth Datgelu a Gwahardd bob 6 mis yn hytrach na phob tair blynedd, fel sy’n ofynnol ar hyn o bryd. Byddai gwiriad cofnod troseddol tramor ar gyfer gyrwyr, a byddai'n ofynnol i bob ymgeisydd newydd gael hyfforddiant diogelu. Byddent yn mabwysiadu Cod Ymddygiad Gyrwyr Llywodraeth Cymru ac yn diweddaru Amodau'r Gyrwyr Hurio Preifat yn unol ag Argymhellion Llywodraeth Cymru.

Eglurodd y Swyddog Polisi Trwyddedu y byddai'n ofynnol i berchenogion cerbydau gael gwiriad DBS blynyddol mewn perthynas â'r cerbyd. Byddai gwiriad cofnod troseddol tramor a byddent yn gorfod mabwysiadu polisi Llywodraeth Cymru ar deledu cylch cyfyng a Systemau VIPS/Dashcams mewn tacsis a cherbydau hurio preifat, a  ...  Gweld y cofnodion lawn ar gyfer eitem 66.

I ystyried unrhyw eitemau o fusnes y, oherwydd amgylchiadau arbennig y cadeirydd o'r farn y dylid eu hystyried yn y cyfarfod fel mater o frys yn unol â Rhan 4 (pharagraff 4) o'r Rheolau Trefn y Cyngor yn y Cyfansoddiad.

Dim