Agenda a Chofnodion
Lleoliad: Ystafelloedd Pwyllgor 1/2/3 - Swyddfeydd Dinesig, Stryd yr Angel, Pen-y-bont ar Ogwr CF31 4WB. Cyfarwyddiadau
Cyswllt: Andrew Rees
Rhif | Eitem | ||||||||||||||||
---|---|---|---|---|---|---|---|---|---|---|---|---|---|---|---|---|---|
Datgan Buddiant Derbyn datganiadau o ddiddordeb personol a rhagfarnol (os o gwbl) gan Aelodau / Swyddogion yn unol â darpariaethau'r Cod Ymddygiad Aelodau a fabwysiadwyd gan y Cyngor o 1 Medi 2008.
Cofnodion: Dim |
|||||||||||||||||
Cymeradwyo'r Cofnodion PDF 100 KB I dderbyn am gymeradwyaeth y Cofnodion cyfarfod y 17/12/19 Cofnodion: PENDERFYNWYD: Cymeradwyo bod cofnodion 17/12/2019 yn wir ac yn gywir. |
|||||||||||||||||
Monitro Cyllideb 2019-20 - Rhagolwg Refeniw Chwarter 3 PDF 766 KB Dogfennau ychwanegol:
Cofnodion: Cyflwynodd y Pennaeth Cyllid Dros Dro adroddiad a oedd yn rhoi'r newyddion diweddaraf i'r Cabinet ynghylch sefyllfa ariannol refeniw'r Cyngor ar 31 Rhagfyr 2019.
Esboniodd fod y Cyngor, ar 20 Chwefror 2019, wedi cymeradwyo cyllideb refeniw net o £270.809 miliwn ar gyfer 2019-2020. Yn rhan o'r Fframwaith Rheoli Perfformiad, caiff amcanestyniadau'r gyllideb eu hadolygu'n rheolaidd a'u hadrodd gerbron y Cabinet bob chwarter. Bydd cyflawniad gostyngiadau cytunedig i'r gyllideb hefyd yn cael ei adolygu yn rhan o'r broses.
Yn gryno, cymharodd y Pennaeth Cyllid Dros Dro y gyllideb â'r alldro a ragwelwyd ar 31Rhagfyr 2019, y manylwyd arno yn Nhabl 1 yr adroddiad. Ymhelaethodd ar y tanwariant o £4.391 miliwn gan nodi mai'r prif reswm wrth wraidd hynny oedd bod Llywodraeth Cymru wedi hysbysu Awdurdodau Lleol ynghylch cyllid grant ychwanegol sy'n cael ei neilltuo i dalu cost ychwanegol pensiynau athrawon, pensiynau'r gwasanaeth tân yn ogystal â'r cynnydd yng nghyflogau athrawon. Roedd hyn yn creu cyfanswm o £2,006,096, £272,405 a £343,701, yn yr un drefn.
Esboniodd y Pennaeth Cyllid Dros Dro fod y Cyngor wedi derbyn ei setliad llywodraeth leol dros dro ar gyfer 2020-2021 oddi wrth Lywodraeth Cymru ar 16 Rhagfyr 2019. Cyflwynwyd adroddiad gerbron y Cabinet ar 14 Ionawr 2020 ar ddrafft o'r Strategaeth Ariannol Tymor Canolig 2020-21 hyd 2023-24, a nodai flaenoriaethau gwariant y Cyngor, amcanion buddsoddi allweddol a rhannau o’r gyllideb a fyddai'n cael eu targedu i sicrhau arbedion angenrheidiol. Mae'r strategaeth yn cynnwys rhagolygon ariannol ar gyfer 2020-2024 a chyllideb refeniw drafft fanwl ar gyfer 2020-21.
Dywedodd na chafwyd unrhyw drosglwyddiadau yn gysylltiedig â'r gyllideb, ond y bu amryw o addasiadau technegol rhwng cyllidebau ers adrodd rhagolygon chwarter 2 gerbron y Cabinet ar 22 Hydref 2019. Amlinellwyd y rhain yn y tabl yn yr adroddiad, yn 4.1.6.
Oherwydd y pwysau cynyddol ar Gynghorau Cymru dros oes y SATC, esboniodd y Pennaeth Cyllid Dros Dro fod angen datblygu cynigion cylchol i sicrhau gostyngiad o gyfanswm o £29.332 miliwn i’r gyllideb dros y pedair blynedd nesaf, yn seiliedig ar y senario fwyaf tebygol. Roedd gostyngiadau cyllidebol blaenorol a gafwyd yn 2016-17 hyd 2018-19 yn tystio i hyn, lle na lwyddwyd i gyflawni gwerth £3.242 miliwn o gynigion i leihau'r gyllideb yn llawn.
Amlinellodd y Pennaeth Cyllid Dros Dro y gostyngiadau cyllidebol yr oedd eu hangen yn y Cyfarwyddiaethau Addysg a Chymorth i Deuluoedd, Gwasanaethau Cymdeithasol a Llesiant a Chymunedau. Manylwyd ar y rhain yn Nhabl 2 yr adroddiad.
Dywedodd y Pennaeth Cyllid Dros Dro y nodwyd y canlynol fel egwyddor 7 y SATC "Mae cynigion arbed wedi'u datblygu'n llawn ac yn cynnwys graddfeydd amser realistig i'w cyflawni, cyn eu cynnwys yn y gyllideb flynyddol. Bydd Cronfa Wrth Gefn ar gyfer Gostyngiadau Cyllideb yr SATC yn cael ei chynnal i liniaru rhag unrhyw achosion o oedi nas rhagwelwyd". Sefydlwyd Cronfa Wrth Gefn ar gyfer Gostyngiadau Cyllideb yn 2016-17. Defnyddiwyd y gronfa wrth gefn hon i fodloni cynigion penodol i ostwng y gyllideb yn y blynyddoedd cynt ar sail untro, gan ddisgwyl mesurau amgen. Roedd y gronfa'n cael ei defnyddio ... Gweld y cofnodion lawn ar gyfer eitem 459. |
|||||||||||||||||
Y Diweddaraf am y Rhaglen Gyfalaf - Chwarter 3 2019-20 PDF 562 KB Dogfennau ychwanegol:
Cofnodion: Cyflwynodd y Pennaeth Cyllid Dros Dro adroddiad a oedd:
Dywedodd fod Rheoliadau Awdurdodau Lleol (Cyllid Cyfalaf a Chyfrifyddu) (Cymru) 2003 fel y cawsant eu diwygio, yn cynnwys darpariaethau manwl o'r rheolaethau cyllid cyfalaf a chyfrifyddu.
Ychwanegodd fod y Cyngor, ar 20 Chwefror 2019, wedi cymeradwyo rhaglen gyfalaf ar gyfer y cyfnod 2019-20 hyd 2028-29 yn rhan o'r Strategaeth Ariannol Tymor Canolig (SATC). Diweddarwyd a chymeradwywyd y rhaglen gyfalaf ddiwethaf gan y Cyngor ar 23 Hydref 2019.
Esboniodd y Pennaeth Cyllid Dros Dro fod yr adroddiad hwn yn rhoi'r newyddion diweddaraf am y meysydd a ganlyn:
Monitro Rhaglen Gyfalaf 2019-20 Mae'r rhaglen ddiwygiedig ar gyfer 2019-20 ar hyn o bryd yn creu cyfanswm o £33.700 miliwn, y mae £15.057 miliwn ohono wedi'i fodloni o adnoddau Cyngor Bwrdeistref Sirol Pen-y-bont ar Ogwr (CBSPO), gan gynnwys derbyniadau cyfalaf a chyfraniadau refeniw o gronfeydd wrth gefn sydd wedi'u clustnodi, a'r £18.643 miliwn sy'n weddill o adnoddau allanol, gan gynnwys y Grant Cyfalaf Cyffredinol. Roedd gwybodaeth bellach am raglen gyfalaf bob cyfarwyddiaeth o 2019 wedi'i chynnwys yn nhabl 1 yr adroddiad.
Esboniodd y Pennaeth Cyllid Dros Dro fod tabl 2 yr adroddiad yn rhoi crynodeb o ragdybiaethau ariannu cyfredol rhaglen gyfalaf 2019-20.
Ychwanegodd fod Atodiad A yn rhoi manylion cynlluniau unigol o fewn y rhaglen gyfalaf, gan ddangos y gyllideb a oedd ar gael yn 2019-20 o gymharu â'r gwariant a ragamcanwyd.
Dywedodd y Pennaeth Cyllid Dros Dro fod nifer o gynlluniau eisoes wedi'u nodi'n gynlluniau lle'r oedd angen llithro'r gyllideb i flynyddoedd nesaf 2020-21 a thu hwnt. Roedd angen cyfanswm o £5.158 miliwn o lithriant yn chwarter 3, a oedd yn cynnwys y cynlluniau a ganlyn:
Rhaglen Gyfalaf 2019-20 a Thu Hwnt Ers mis Hydref 2019, dywedodd y Pennaeth Cyllid Dros Dro fod nifer o gynlluniau newydd wedi'u hariannu'n allanol ac incwm ychwanegol wedi'u cymeradwyo, a bod hynny wedi'i ymgorffori yn y rhaglen gyfalaf, gan gynnwys y canlynol:
Dywedodd fod newidiadau o bwys i gynlluniau eraill hefyd:
|
|||||||||||||||||
Cofnodion: Cyflwynodd y Pennaeth Cyllid Dros Dro adroddiad a ofynnai i'r Cabinet fabwysiadu Cynllun Rhyddhad Ardrethi'r Stryd Fawr a Manwerthu gan Lywodraeth Cymru.
Esboniodd fod Llywodraeth Cymru wedi cyhoeddi y byddai'r cynllun ar gael i gefnogi busnesau o fewn y sector manwerthu yng Nghymru, ac y byddai'n cael ei weithredu ar y cyd â'r Rhyddhad Ardrethi Busnesau Bach, yn unol â'r manylion yn Atodiad A yr adroddiad.
Esboniodd y Pennaeth Cyllid Dros Dro fod rhyddhad o hyd at £2,500 ar gael ar gyfer eiddo manwerthu cymwys wedi'i feddiannu, a chanddo werth ardrethol o hyd at £50,000 ym mlwyddyn ariannol 2020-21, yn amodol ar gyfyngiadau ar gymorth gwladwriaethol. Ychwanegodd y gallai amcangyfrif o oddeutu 1000 o drethdalwyr ledled y Fwrdeistref elwa ar filiau ardrethi is o dan y cynllun hwn.
Esboniodd y Pennaeth Cyllid Dros Dro y gall y Cyngor ddewis mabwysiadu'r cynllun, ond nad oedd ganddo unrhyw ddisgresiwn dros unrhyw elfen ohono. Pe bai'r cynllun yn cael ei fabwysiadu, ychwanegodd y byddai'r busnesau hynny a wnaeth elwa ar y cynllun yn 2019-20 ac a oedd yn dal i fodloni meini prawf Llywodraeth Cymru, yn derbyn rhyddhad yn awtomatig ar gyfer 2020-21.
Dywedodd y Dirprwy Arweinydd fod hyn yn newyddion cadarnhaol i fusnesau bychain, ac roedd yn falch o weld bod yr awdurdod yn gallu dysgu yn sgil yr hyn a wnaed yn flaenorol a gwella hynny. Gobeithiai y byddai'r busnesau cymwys yn cyflwyno'r ceisiadau angenrheidiol er mwyn elwa ar y rhyddhad. Sicrhaodd yr aelodau y byddai cyhoeddiad yn cael ei wneud yng nghyfarfod nesaf y Cyngor llawn er mwyn lledaenu ymwybyddiaeth ynghylch yr uchod.
PENDERFYNWYD Bod y Cabinet:
Yn mabwysiadu Cynllun Rhyddhad Ardrethi Annomestig y Stryd Fawr a Manwerthu ar gyfer 2020-21, fel y manylwyd yn Atodiad A. |
|||||||||||||||||
Ailddatblygu Neuadd y Dref Maesteg PDF 82 KB Cofnodion: Cyflwynodd y Pennaeth Gweithrediadau - Gwasanaethau Cymunedol adroddiad a ofynnai am gymeradwyaeth i'r Cabinet ymrwymo i gontract â Knox and Wells Ltd i ailddatblygu Neuadd y Dref Maesteg.
Esboniodd mai adeilad rhestredig gradd 2 mewn ardal gadwraeth oedd Neuadd y Dref Maesteg. Yr oedd mewn man amlwg yng Nghanol Tref Maesteg ac yn ganolbwynt i'r celfyddydau ac i weithgareddau cymunedol yng Nghwm Llyfni. Byddai'r gwaith ehangu yn golygu bod modd cael mwy o gyfleusterau fel ystafelloedd hyfforddi a llyfrgell ac ati.
Esboniodd y Pennaeth Gweithrediadau - Gwasanaethau Cymunedol fod yr awdurdod wedi defnyddio tîm amlddisgyblaethol i ddarparu'r dyluniad cysyniadol a'r gost ar gyfer y gwaith trwsio, adfer ac estyn arfaethedig ar Neuadd y Dref Maesteg. Roedd y tîm dylunio yn cynnwys:
Hyd yma mae'r tîm dylunio wedi:
Dywedodd y Pennaeth Gweithrediadau - Gwasanaethau Cymunedol fod Neuadd y Dref wedi cau ym mis Hydref 2019, a bod Ymddiriedolaeth Ddiwylliannol Awen wedi gwagio'r adeilad. Oherwydd oedi wrth ddychwelyd tendrau is-gontractwyr, cafwyd ychydig oedi cyn dechrau adeiladu. Fodd bynnag, mae'r prosiect bellach wedi cyrraedd y pwynt lle mae angen ymrwymo i ail gam y contract dylunio ac adeiladu, fel bo modd cychwyn gwaith adeiladu. Gwerth contract yr elfen hon fydd £6.5 miliwn o gyfanswm cost y prosiect o £8.2 miliwn a oedd wedi'i gynnwys yn adroddiad Diweddariad Rhaglen Gyfalaf Chwarter 3 a gyflwynwyd gerbron y Cabinet ar 21 Ionawr 2020, a gerbron y Cyngor i'w gymeradwyo ar 22 Ionawr 2020.
Rhoddodd y Pennaeth Gweithrediadau - Gwasanaethau Cymunedol amlinelliad i'r Aelodau o'r Asesiad Effaith Cydraddoldeb a'r asesiad Deddf Llesiant Cenedlaethau'r Dyfodol (Cymru) 2015 a oedd wedi'u cynnwys yn adrannau 6 a 7 o'r adroddiad.
Dywedodd yr Arweinydd fod y cynllun hwn yn fuddsoddiad hirdymor, ac er ei bod hi'n anodd cynllunio'r mathau hyn o gostau, ei fod yn fuddsoddiad gwerth chweil er mwyn diogelu adeilad pwysig am flynyddoedd i ddod. Adleisiodd yr Aelod Cabinet Addysg ac Adfywio y sylwadau hyn, ac ychwanegodd ei fod yn gynllun strategol ar gyfer canol y dref.
Nododd y Prif Weithredwr ei bod hi'n bosibl y ceir llawer o sylw i'r cynllun yn y cyfryngau a'r cyfryngau cymdeithasol. Roedd hi'n bwysig felly sicrhau bod y cyhoedd yn ymwybodol pa mor bwysig yw’r ymrwymiad i fuddsoddi yn yr adeilad am y tymor hir.
Adleisiodd Aelod Cabinet y Gwasanaethau Cymdeithasol a Chymorth Cynnar y sylwadau hyn. Diolchodd i Halo ac ARWEN am eu cefnogaeth drwy gydol y broses, ac roedd yn edrych ymlaen at gael gweld y canlyniad wrth i'r gwaith ar y cyfleuster pwysig hwn gael ei gwblhau.
Roedd yr Arweinydd yn gobeithio y byddai'r Cyngor llawn yn cymeradwyo datblygiad Neuadd y ... Gweld y cofnodion lawn ar gyfer eitem 462. |
|||||||||||||||||
Cynllun Shopmobility Pen-y-bont ar Ogwr PDF 102 KB Dogfennau ychwanegol: Cofnodion: Cyflwynodd y Pennaeth Gweithrediadau - Gwasanaethau Cymunedol adroddiad a ofynnai am gymeradwyaeth y Cabinet ar gyfer cynigion i fodloni'r gofyniad i ostwng cyllideb y Strategaeth Ariannol Tymor Canolig yn gysylltiedig â gweithredu Cynllun Shopmobility Pen-y-bont ar Ogwr.
Rhoddodd y Pennaeth Gweithrediadau - Gwasanaethau Cymuned gefndir y cynllun, a dywedodd mai CBSPO oedd yn ei weithredu ym maes parcio aml-lawr Bracla, a'i fod yn rhoi amrywiaeth o ddyfeisiau symudedd ar fenthyg i aelodau'r cyhoedd sy'n ei chael hi'n anodd symud o gwmpas. Roedd y cyfleuster ar agor rhwng 08:30 ac 17:00.
Er mwyn defnyddio'r cynllun, esboniodd fod angen i gwsmeriaid ymuno (yn rhad ac am ddim ar hyn o bryd) a thalu ernes o £2 wrth ddefnyddio'r peiriannau. Wrth eu dychwelyd roedd cwsmeriaid wedyn yn gallu gofyn am y £2 yn ôl, ond roedd hi'n werth nodi bod mwyafrif y cwsmeriaid yn fodlon cyfrannu'r £2.
Esboniodd y Pennaeth Gweithrediadau - Gwasanaethau Cymunedol mai'r nod oedd galluogi'r cynllun i fod yn fwy hunangynhaliol a dibynnu llai ar gymhorthdal y Cyngor. Dywedodd wrth yr Aelodau fod costau cyfredol y cynllun wedi'u hamlinellu yn 4.2 yn yr adroddiad. Yr oedd amryw o newidiadau wedi'u cynnig i'r cynllun, a amlinellwyd yn 4.7 yn yr adroddiad. Ceir crynodeb ohonynt isod:
Esboniodd y Pennaeth Gweithrediadau - Gwasanaethau Cymunedol fod proses ymgynghori wedi'i chynnal lle'r oedd 48% o'r ymatebwyr o blaid archwilio opsiynau codi tâl am y gwasanaeth Shopmobility. Fodd bynnag, dywedodd fod 39% o'r ymatebwyr yn gwrthwynebu'r ffi llogi o £5 ac yn teimlo y byddai'n anfforddiadwy i'r mwyafrif o ddefnyddwyr. O ran yr amseroedd agor, nid oedd 80% o'r ymatebwyr yn gwrthwynebu'r cais hwnnw, ond yn 20% o'r ymatebion nodwyd y gallai hyn effeithio naill ai ar y gallu i siopa'n gynnar neu ar apwyntiadau meddygol.
Ychwanegodd fod y safbwyntiau wedi cael eu hystyried a chynigion diwygiedig wedi'u cyflwyno yn eu sgil, a oedd yn cynnwys y canlynol:
Diolchodd yr Arweinydd i'r Pennaeth Gweithrediadau - Gwasanaethau Cymunedol am yr adroddiad, a dywedodd fod yr ymgynghoriad wedi bod yn gadarnhaol ac wedi cynnwys llawer o safbwyntiau. Adleisiodd yr Aelod Cabinet Cymunedau bwynt yr Arweinydd, a dywedodd fod y cynigion terfynol yn dangos ein bod yn gwrando ar y cyhoedd, yn gwerthfawrogi eu barn ac yn rhoi ystyriaeth i'w safbwyntiau.
Roedd yr Aelod Cabinet Llesiant a Chenedlaethau'r Dyfodol yn cytuno â'r pwyntiau hyn ac yn falch o weld ystyriaeth o safbwyntiau defnyddwyr gwasanaeth yn yr Asesiad Effaith Cydraddoldeb.
Gofynnodd i'r Pennaeth Gweithrediadau - Gwasanaethau Cymunedol am eglurhad ynghylch lefel y defnydd am ei bod hi'n ymddangos fel pe bai'r ... Gweld y cofnodion lawn ar gyfer eitem 463. |
|||||||||||||||||
Lleoliadau Profiad Gwaith i Weithwyr sydd yn Gadael y Lluoedd Arfog PDF 80 KB Cofnodion: Cyflwynodd y Prif Weithredwr adroddiad a oedd yn hysbysu'r Cabinet ynghylch cyflwyno Cynllun Lleoliad Profiad Gwaith i weithwyr sy'n gadael y Lluoedd Arfog yn rhan o ymrwymiad y Cyngor i Gyfamod Cymunedol y Lluoedd Arfog.
Esboniodd fod Cynllun Gwarantu Cyfweliad wedi cael ei gyflwyno'n ddiweddar, a sefydlwyd er mwyn rhoi sicrwydd o gyfweliad i rai sy'n gadael y Lluoedd Arfog. Byddai'r Cynllun Lleoliad Profiad Gwaith yn gweithredu ochr yn ochr â Rhaglen Profiad Gwaith CBSPO sydd wedi'i hen sefydlu, a oedd yn cynnig lleoliadau i unigolion o ystod eang o oedrannau a chefndiroedd.
Esboniodd y Prif Weithredwr y goblygiadau a oedd yn gysylltiedig â Deddf Llesiant Cenedlaethau'r Dyfodol (Cymru) 2015, a'r modd yr oedd y Cynllun Lleoliad Profiad Gwaith yn cyfrannu at y nodau llesiant. Amlinellodd y pum ffordd o weithio a ystyriwyd, fel yr amlinellwyd yn yr adroddiad.
Diolchodd yr Aelod Cabinet - Cymunedau i'r Prif Weithredwr am yr adroddiad, ac fel Hyrwyddwr y Lluoedd Arfog, roedd yn croesawu'r cynllun hwn. Esboniodd fod cyn-filwyr yn aml yn ei chael hi'n anodd ymaddasu ar ôl gadael y lluoedd arfog, a dychwelyd i fyw mewn amgylchedd dinesig.
Ychwanegodd fod y cynllun yn gam cadarnhaol er mwyn cyflwyno llywodraeth leol i gr?p gwahanol o bobl a chanddynt sgiliau gwahanol i'w cynnig. Yr oedd yn falch mai CBSPO fyddai'r llywodraeth leol gyntaf yng Nghymru i gyflwyno menter fel hon.
Cyfeiriodd yr Arweinydd at dystiolaeth frawychus yn gysylltiedig â'r rhai a oedd yn gadael y lluoedd arfog, gan ddweud bod iselder, digartrefedd a hunanladdiad yn llawer rhy gyffredin. Yr oedd yn falch ganddo gael gweld CBSPO yn darparu'r cynllun er mwyn cefnogi cyn-filwyr wrth iddynt adael y lluoedd arfog. Gofynnodd a ellid rhannu'r cynllun hwn â'r holl gategorïau a oedd yn rhan o'r lluoedd arfog, fel eu bod yn ymwybodol o gynigion yr adroddiad.
PENDERFYNWYD: Bod y Cabinet:
|
|||||||||||||||||
Penodi Llywodraethwyr yr Awdurdod Lleol PDF 96 KB Cofnodion: Cyflwynodd y Cyfarwyddwr Corfforaethol - Addysg a Chymorth i Deuluoedd adroddiad a ofynnai am gymeradwyaeth y Cabinet i benodi llywodraethwyr awdurdod lleol i gyrff llywodraethu'r ysgolion a restrwyd yn yr adroddiad, ac i hysbysu'r Cabinet nad oedd penodiad llywodraethwr awdurdod lleol blaenorol wedi mynd rhagddo.
Esboniodd fod cyfanswm o 7 swydd wag, a bod 7 ymgeisydd wedi bodloni'r meini prawf ar gyfer llywodraethwyr awdurdod lleol. Dyma'r penodiadau a argymhellwyd:
Ychwanegodd fod atodiad A yr adroddiad yn cynnwys manylion y 25 o swyddi gwag eraill yr oedd angen eu llenwi mewn 17 o ysgolion.
Esboniodd y Cyfarwyddwr Corfforaethol - Addysg a Chymorth i Deuluoedd fod yr Aelodau, yng nghyfarfod y Cabinet ar 17 Medi 2019, wedi cymeradwyo penodi llywodraethwr lleol i gorff llywodraethu Ysgol Gynradd Notais. Fodd bynnag, nodwyd yn ddiweddarach nad oedd swydd wag i lywodraethwr yr awdurdod lleol ar y pryd, a bod y swydd wag wedi'i hysbysebu ar ddamwain. Dywedodd fod y sawl a benodwyd wedi cael gwybod am hynny, a bod y tîm bellach yn ymchwilio ymhellach i'r mater.
Diolchodd yr Aelod Cabinet Addysg ac Adfywio i'r gwirfoddolwyr a oedd wedi'u cynnig eu hunain am y swyddi, a gofynnodd a ellid hysbysebu'r swyddi gwag a oedd yn weddill ledled Pen-y-bont ar Ogwr. Dywedodd nad oedd angen i Gynghorwyr lenwi'r swyddi, ond y gallai aelodau o'r cyhoedd a oedd yn barod i wasanaethu'r gymuned hefyd ymgeisio.
PENDERFYNWYD: Bod y Cabinet:
Yn nodi'r wybodaeth a amlinellwyd yn 4.3 yn yr adroddiad. |
|||||||||||||||||
Adroddiadau i'w Nodi er Gwybodaeth PDF 65 KB Dogfennau ychwanegol: Cofnodion: Cyflwynodd y Prif Swyddog - Gwasanaethau Cyfreithiol, AD a Rheoleiddio adroddiad i hysbysu'r Cabinet am adroddiad i'w nodi er gwybodaeth a oedd wedi'i gyhoeddi ers ei gyfarfod diwethaf.
Rhoddodd amlinelliad o'r adroddiad ar Adroddiad Rheoli Trysorlys - Chwarter 3 2019-20, a gyhoeddwyd ar 15 Ionawr 2020.
Dywedodd fod y ddogfen wedi cael ei rhannu'n electronig ag Aelodau Etholedig drwy e-bost, a'i gosod ar wefan CBSPO.
PENDERFYNWYD: Bod y Cabinet yn nodi'r adroddiad. |
|||||||||||||||||
Eitemau Brys I ystyried unrhyw eitemau o fusnes y, oherwydd amgylchiadau arbennig y cadeirydd o'r farn y dylid eu hystyried yn y cyfarfod fel mater o frys yn unol â pharagraff 2.4 (e) o'r Rheolau Trefn y Cabinet yn y Cyfansoddiad.
Cofnodion: Dim |
|||||||||||||||||
Gwahardd y Cyhoedd Nid oedd yr eitem canlynol yn cael eu cyhoeddi, gan fod eu bod yn cynnwys gwybodaeth eithriedig fel y'i diffinnir ym Mharagraffau 12 a 14 o Ran 4 a Pharagraff 21 o Ran 5, Atodlen 12A, Deddf Llywodraeth Leol 1972, fel y'i newidiwyd gan Orchymyn Llywodraeth Leol (Cymru) 2007 (Mynediad at Wybodaeth) (Amrywio).
Os, yn dilyn cymhwyso'r prawf budd y cyhoedd yn y Cabinet yn penderfynu yn unol â'r Ddeddf i ystyried yr eitem hyn yn breifat, bydd y cyhoedd yn cael eu gwahardd o'r cyfarfod yn ystod ystyriaeth o'r fath.
Cofnodion: PENDERFYNWYD: O dan Adran 100A (4) o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, y dylid gwahardd y cyhoedd o'r cyfarfod wrth ystyried yr eitem fusnes ganlynol, gan ei bod yn cynnwys gwybodaeth esempt fel y'i diffinnir ym Mharagraff 12 o Ran 4 ac/neu Baragraff 21 o Ran 5 o Atodlen 12A o'r Ddeddf.
Yn dilyn cymhwyso prawf budd y cyhoedd, penderfynwyd, yn unol â'r Ddeddf y cyfeirir ati uchod, ystyried yr eitem ganlynol yn breifat, gan wahardd y cyhoedd o'r cyfarfod, oherwydd ystyriwyd yn yr holl amgylchiadau a oedd yn gysylltiedig â'r eitem, fod y budd i'r cyhoedd yn sgil cynnal yr esemptiad yn gorbwyso'r budd i'r cyhoedd yn sgil datgelu'r wybodaeth, oherwydd byddai'r wybodaeth yn niweidiol i'r ymgeiswyr y cyfeirid atynt. |
|||||||||||||||||
Rhaglen Moderneiddio Ysgolion: Band B |