Soniodd y Gweinidog â thristwch am farwolaeth ddiweddar Mr Carl Sargeant, yr Aelod Cynulliad, a gofynnodd i’r Aelodau gymryd rhan mewn munud o dawelwch.

Cododd pawb ar eu traed mewn teyrnged.     

To receive declarations of personal and prejudicial interest from Members/Officers in

accordance with the Members’ Code of Conduct adopted by Council from 1 September 2008. 

Datganwyd y Buddiannau canlynol:

Datganodd y Cynghorydd JC Spanswick – eitem Agenda 15 - Hysbysiad o Gynnig, fuddiant personol fel cyflogai Cyngor Bwrdeistref Sirol Rhondda Cynon Taf ac un o’r swyddogion sy’n gyfrifol am weithredu’r Gorchymyn Diogelu Mannau Cyhoeddus. 

Datganodd holl aelodau’r Bwrdd Rheoli Corfforaethol, Rheolwr Gr?p Datblygu a’r Rheolwr Gweithredol dros Fenter a Gwasanaethau Arbenigol ac eithrio'r Prif Weithredwr fuddiant personol yn eitem agenda 7 – Strwythur Tâl JNC a gadael y cyfarfod tra bod hyn yn cael ei ystyried.    

To receive the minutes of a meeting of Council of 1 November 2017

PENDERFYNWYD:          Cymeradwyo cofnodion y Cyngor ar 1 Tachwedd 2017 fel rhai gwir a chywir.  

 (i) Mayor (or person presiding)

(ii) Members of the Cabinet

(iii) Chief Executive

(iv) Monitoring Officer

Y Maer

Cyhoeddodd y Maer â thristwch fod ?yr y Cynghorydd Pucella, Luca, wedi marw yn ddiweddar.  Dywedodd ei bod wedi anfon llythyr cydymdeimlo at y Cynghorydd Pucella a’i deulu.  

Cyhoeddodd y Maer ei bod hi a’i Chonsort wedi cael y pleser o agor cartref gofal preswyl newydd yng Ngogledd Cornelly yn ddiweddar o’r enw Morgana Court & Lodge.  Aeth hi a’i Chonsort ar daith gan ryfeddu at y syniadau oedd wedi’u hymgorffori yn y safle i ysgogi cleientiaid sydd â Demensia.  Dywedodd fod cerddoriaeth yn cael ei chwarae mewn bar oedd yn edrych fel tafarn leol, safle bws â mainc yn y coridor, a blwch ffôn a blwch post.  Roedd hefyd ystafell â theledu yn dangos cefn gwlad yn symud a phobl yn chwifio o'r caeau.  Roedd yr ystafell fel bod ar drên, oedd yn ffordd wych o annog atgofion ac annog i’r preswylwyr gofio.

Dywedodd y Maer wrth y Cyngor ei bod wedi cael yr anrhydedd o fynychu Gwobrau Cyflawnwyr Ifanc Bridge FM yn ddiweddar.  Roedd y digwyddiad nodedig hwn yn dathlu pobl ifanc o bob rhan o’r sir ac yn cydnabod eu cyflawniadau mewn busnes, hyfforddiant, addysg, celf, cerddoriaeth a gwirfoddoli.  Dywedodd ei bod yn galonogol cwrdd â chymaint o bobl ifanc sy’n cyfrannu’n gadarnhaol at ein cymunedau.

Cyhoeddodd y Maer fod y wlad yn cofio’r sawl a gollwyd mewn rhyfeloedd i ddiogelu ein rhyddid ym mis Tachwedd.  Roedd wedi cynrychioli’r Awdurdod mewn digwyddiad Sul Coffa ym Mhen-y-bont lle gorymdeithiodd y Maer a’r Consort a gosod torch ar ran y Cyngor a’i breswylwyr.  Roeddent hefyd wedi mynychu digwyddiadau yn cefnogi’r lluoedd arfog, gan gynnwys cyngerdd Help for Heroes gyda Chorau a Bandiau gwych a Chyngerdd y Llynges Brydeinig Frenhinol yn Neuadd y Dref Maesteg, a oedd yn hyfryd.

Cyhoeddodd y Maer hefyd ei bod wedi cael y pleser o fynychu dau ddigwyddiadau gyda Gwasanaeth Tân ac Achub De Cymru.  Roedd y cyntaf ym Mhencadlys y Frigâd Dân yn Llantrisant ar gyfer cyflwyno medalau Gwasanaeth Hir ac Ymddygiad Da i bersonél sydd wedi gwasanaethu am rhwng 20 a 42 mlynedd.  Cawsant hefyd y pleser o gwrdd â’r staff a’r Swyddogion ymroddedig sy’n gweithio fel Swyddogion Tân yng Ngorsaf Dân Porthcawl a ddangosodd eu hoffer tân cyn hefyd ddynwared gwrthdrawiad traffig.  Dywedodd ei bod yn amlwg eu bod yn gweithio fel tîm ac yn falch iawn o’r Gwasanaeth Tân.

Cyhoeddodd y Maer hefyd ei bod hi a’i Chonsort wedi cael eu gwahodd i Brifysgol Abertawe i ddathlu bywyd y diweddar Rhodri Morgan.  Disgrifiodd ei frawd y Rhodri ‘go iawn’ gydag ACau ac eraill mewn academia gan rannu straeon o pan roeddent yn gweithio gyda'i gilydd.  Roedd yn ysbrydoledig ac yn dangos yr oedd yn Ddyngarwr a Gwladweinydd gwych.

Dywedodd y Maer wrth y Cyngor ei bod hi a’r Consort wedi mynychu Maes Dangos Sioe Frenhinol Cymru ddoe a lansio Project Bwyd Argora a ddaeth â sefydliadau ac unigolion tebyg eu meddylfryd ynghyd o bob rhan o Gymru i drafod yr heriau sy’n wynebu’r sector cynnyrch.  Bydd y project yn cael  ...  Gweld y cofnodion lawn ar gyfer eitem 88.

Dywedodd yr Arweinydd wrth Aelodau am yr ymateb diweddar a gafodd gan Gadeirydd a Phrif Weithredwr Bwrdd Iechyd Prifysgol Cwm Taf am bryderon y Cyngor ynghylch effaith bosibl y newid ffiniau.  Dywedodd eu bod wedi cynnig sawl sicrwydd pe bai’r newidiadau'n mynd yn eu blaen, gan gynnwys:

·Maent yn ymrwymedig i gynnal a gwella gwasanaethau iechyd i bobl leol a chanlyniad Rhaglen De Cymru.

·           

·  Mae’r ymgynghoriad sydd ar ddod yn ymwneud yn llwyr â’r ffin sefydliadol.

·           Byddai angen cynnal ymgynghoriad cyhoeddus ar wahân ar unrhyw newidiadau yn unol â fframweithiau rheoliadol.

·  Mae amseroedd aros ysbyty Cwm Taf yn is nag yn ardal ABMU ar hyn o bryd. Pe bai Tywysog Cymru yn dod yn rhan o BIP Cwm Taf, bydd y ffocws ar ddod ag amseroedd aros Tywysog Cymru yn unol â hyn.

·           

·  Nid oes unrhyw gwtogi wedi’i drefnu ar gyfer Tywysog Cymru.

·  Roedd Cwm Taf yn bwriadu gweithio gyda AMBU i sicrhau cynaliadwyedd y gwasanaeth ar draws pob safle.

·           

·Bydd mynediad traws-ffiniol i driniaeth a gwasanaethau rhyng-ranbarthol yn parhau.

·           

·Er y gellir adolygu llwybrau cleifion yn ddiweddarach, bydd hyn ond yn digwydd os yw’n gwella hygyrchedd ac ansawdd gofal ac yn arddangos y manteision yn glir i gleifion.

·           

·O ran Ysbyty Cymunedol Maesteg, roedd yr ymateb yn cyfaddef nad yw Cwm Taf yn gyfarwydd â’r safle a'r gwasanaethau ar hyn o bryd, ond pwysleisiwyd mai’r bwriad yw i ddeall seilwaith cyfan y gymuned dros yr wythnosau nesaf.

·           

·  Er na allent roi sylwadau penodol ar yr ysbyty, mae gan Gwm Taf hanes o fuddsoddi mewn gwasanaethau cymunedol a sefydlu ysbytai cymunedol fel hybiau clwstwr sy'n dod â gwasanaethau sylfaenol, eilaidd a gofal cymdeithasol ynghyd. Mae hyn yn rhywbeth y byddent yn edrych arno yn lleol.

Dywedodd yr Arweinydd wrth Aelodau fod y llythyr yn dod i’r casgliad fod Cwm Taf yn ystyried newidiadau arfaethedig i'r ffin yn gyfle i wella gwasanaethau ar draws y tair ardal awdurdod lleol, i rannu arbenigedd ac adnoddau ac i wella profiad y claf a mynediad i wasanaethau.  Dywedodd fod y Prif Weithredwr a’r Cadeirydd hefyd wedi pwysleisio y byddant yn hapus i ddod i gwrdd ag Aelodau i ateb cwestiynau a thrafod unrhyw bryderon yn uniongyrchol, ac y byddai’n cyflwyno rhagor o fanylion am hyn wrth i’r peth ddatblygu.

Dywedodd yr Arweinydd hefyd wrth yr Aelodau am lythyr a gafodd gan Gyfarwyddwr Cyffredinol y rhaglen Credyd Cynhwysol yn rhoi gwybod i’r awdurdod y caiff pedwar prif newid eu gwneud i’r system pan fydd deddfwriaeth briodol wedi’i chymeradwyo.  Dywedodd y byddai’r newid cyntaf yn galluogi arhosiadau byr mewn llety dros dro i gael eu talu drwy'r Budd-dal Tai, ac mai’r bwriad yw lleddfu pryderon ariannol a fynegwyd gan awdurdodau lleol.  Mae’r holl newidiadau eraill yn ymwneud â’r cyfnod asesu cyntaf.

Roedd y llythyr hefyd yn dweud y diddymir y cyfnod aros presennol o 7 diwrnod. Y cyfnod pontio i unrhyw un sy'n trosglwyddo o'r Budd-dal Tai fydd 2 wythnos, a chaiff y cyfnod ad-dalu ar gyfer blaendaliadau newydd ei ymestyn i 12 mis i alluogi  ...  Gweld y cofnodion lawn ar gyfer eitem 89.

Ceisiodd y Prif Weithredwr gymeradwyaeth i wneud apwyntiad dros dro i’r rôl Pennaeth Cyllid a Swyddog Adran 151. 

Dywedodd y Prif Weithredwr wrth y Cyngor fod deiliad presennol y swydd wedi ymddiswyddo ac y bydd ei gontract yn dod i ben ar 3 Ionawr 2018, ac i’w alluogi i adolygu’r trefniadau cyffredinol cynigiodd gynnal proses benodi ar gyfer Pennaeth Cyllid a Swyddog Adran 151 dros dro.  Byddai hyn yn sicrhau digon o allu arwain a rheoli a bod penderfyniadau ariannol a chyngor prydlon ar gael yn ystod absenoldeb Swyddog Adran 151 parhaol. 

Dywedodd wrth y Cyngor y bydd y broses o benodi Pennaeth Cyllid dros dro yn cynnwys dod o hyd i ymgeiswyr cymwys a phrofiadol i gyflawni'r rôl a phanel cyfweld o swyddogion yn cynnwys y Prif Weithredwr, y Pennaeth Cyllid sy’n gadael ei rôl a chynrychiolydd AD a fydd yn asesu gallu’r ymgeiswyr.     

Cwestiynodd yr Aelodau y trefniadau a gynigiwyd gan y Prif Weithredwr gan eu bod wedi bod yn rhan o benodiad blaenorol Prif Swyddogion a Phenaethiaid Gwasanaeth drwy’r Pwyllgor Penodiadau.  Cwestiynodd yr Aelodau hefyd am ba hyd y dylid penodi’r swyddog dros dro.  Dywedodd y Prif Weithredwr wrth y Cyngor mai dyma’r tro cyntaf yr ystyrir penodi swyddog dros dro yn y modd hwn a bod trefniadau mwy ffurfiol fel arfer yn cael eu rhoi ar waith ar gyfer apwyntiadau.  Dywedodd y bydd ymgynghoriad yn cael ei gynnal gyda’r Cabinet cyn gwneud apwyntiad dros dro.  Dywedodd wrth y Cyngor mai’r amserlen ar gyfer penodiad dros dro yw tua 6 mis, gyda'r posibilrwydd o estyniad.  Dywedodd nad oedd yn hawdd gwneud apwyntiad parhaol ar gyfer swyddi uwch ac y byddai’n treulio amser yn ystod y penodiad dros dro i adolygu’r strwythur o uwch reolwyr.  Tynnodd sylw at bwysigrwydd gwneud penodiad dros dro er mwyn cael dilyniant a’r angen i gael Swyddog Adran 151 mewn swydd.  Hefyd, dywedodd y Prif Weithredwr wrth y Cyngor na fyddai’r graddau cyflog JNC yn berthnasol gan y cynigir gwneud penodiad dros dro.  Byddai’r penodiad yn cael ei wneud ar sail prif sefydlog a byddai gwerth am arian yn ystyriaeth allweddol. 

Ymrwymodd yr Arweinydd i ymgynghori â’r Arweinwyr Gr?p ar benodiad dros dro y Pennaeth Cyllid a Swyddog Adran 151. 

PENDERFYNWYD:            Dirprwyodd y Cyngor awdurdod i’r Prif Weithredwr gynnal y gwaith o recriwtio a phenodi Pennaeth Cyllid a Swyddog Adran 151 dros dro.                        

Ceisiodd y Prif Weithredwr gymeradwyaeth i weithredu dull newydd o ran tâl uwch reolwyr. 

Dywedodd wrth y Cyngor fod y strwythur fod y strwythur cyflog JNC presennol wedi bod ar waith ers 2008. Mae bylchau mawr yn y strwythur presennol rhwng haenau uwch reolwyr.  Dywedodd fod y strwythur presennol wedi arwain at anallu i fod yn ddigon hyblyg mewn rolau fel y gall y Cyngor ddarparu pecyn cydnabyddiaeth a all ddenu staff o’r safon briodol.  Roedd hefyd yn cyfyngu ar y gallu i gynllunio dilyniant a galluogi datblygiad gyrfaol.

Adroddodd ar gynnig i weithredu graddfa gyflog uwch reolwyr fwy hyblyg gyda’r nod o fynd i’r afael â’r ddau bryder gan alluogi lleihad targedig o 20% mewn costau uwch reoli i’r Cyngor dros y ddwy flynedd nesaf, sy’n cyfateb i tua £500,000 y flwyddyn.  Dywedodd y disgwylir i hyn ddeillio o drosiant staff ac ailstrwythuro dilynol y sefydliad a, gyda’r strwythur cyflog arfaethedig mewn lle bydd y Cyngor mewn sefyllfa i ymateb yn well i rymoedd y farchnad.  Ni chynigiwyd unrhyw newidiadau i’r strwythur NJC fel rhan o’r ymarfer hwn.  Roedd y strwythur JNC newydd hefyd yn cynnig cael ei ymestyn lawr i bontio’r bwlch o ran hynny ar frig y raddfa NJC.  Tynnodd sylw at y strwythur cyflog JNC arfaethedig y cynigiwyd ei roi ar waith erbyn diwedd y flwyddyn ariannol.  Cynhelir ymgynghoriad â’r undebau llafur ar y newidiadau arfaethedig i’r strwythur cyflog JNC a chyhoeddwyd ymgynghoriad ffurfiol i ddeiliaid swyddi JNC presennol.  Dywedodd wrth y Cyngor y byddai’r cynigion yn cael eu hatgyfeirio at Banel Cydnabyddiaeth Annibynnol Cymru i geisio cytundeb. 

PENDERFYNWYD:            Y byddai’r Cyngor yn cymeradwyo’r strwythur cyflog JNC newydd gyda dyddiad dod i rym o 1 Ebrill 2018.                        

Cyflwynodd y Swyddog Adran 151 adroddiad gyda'r diben o roi i’r Cyngor fanylion am y sail treth gyngor gyda chyfradd gasglu amcangyfrifedig ar gyfer 2018-19. 

Dywedodd mai’r sail treth gyngor amcangyfrifedig ar gyfer 2018-19 oedd 54,403.60 ac amcangyfrifodd gyfradd gasglu o 98%.  Y sail treth gyngor net oedd felly 53,315.53. Ychwanegodd fod cyfraddau casglu dros y 3 blynedd ddiwethaf wedi bod yr uchaf eto a’r gyfradd gasglu amcangyfrifedig yn y flwyddyn ddiwethaf oedd 97.6%, sef yr uchaf y mae'r Awdurdod byth wedi'i chyflawni. 

Dywedodd y Swyddog Adran 151 wrth yr Aelodau nad yw’r awdurdod yn dileu dyledion Treth Gyngor ac y bydd yn parhau i gasglu dyled hanesyddol.   

PENDERFYNWYD:                 Y byddai’r Cyngor yn:

(1)  Cymeradwyo’r sail treth gyngor a chyfradd gasglu ar gyfer 2018-19 fel y dangosir ym mharagraff 4.1 o’r adroddiad.

 Cymeradwyo'r seiliau treth ar gyfer yr ardaloedd cymunedol a nodir yn Atodiad A i’r adroddiad.

Ceisiodd y Pennaeth Cyllid a’r Swyddog Adran 151 gymeradwyaeth i’r diwygiadau arfaethedig i’r Cyfansoddiad sy’n adlewyrchu newidiadau i’r Rheolau Gweithdrefn Ariannol (FPR).  Dywedodd nad yw’r FPRau wedi’u diwygio am flynyddoedd, ac yn ystod y cyfnod hwn mae prosesau ariannol a gweithdrefnau a deddfwriaeth a chanllawiau newydd wedi dod i rym. 

Dywedodd wrth y Cyngor fod swyddogion wedi adolygu’r FPRau a gwneud newidiadau yn ymwneud â:

·         rheolau newydd yn ymwneud â thalu ymgynghorwyr;

·          dulliau talu newydd, e.e. cardiau prynu;

·         polisïau a strategaethau newydd e.e. Polisi Grantiau, Cronfeydd Wrth Gefn a Phrotocol Balansau, Polisi Llwgrwobrwyo Gwrth-Dwyll.

Nododd y byddai angen diwygiad pellach i adlewyrchu newidiadau deddfwriaethol pan fyddai’r Deddf Diogelu Data yn cael ei disodli â’r Bil Diogelu Data (sy’n ymgorffori’r Rheoliad Diogelu Data Cyffredinol).

Cwestiynodd aelod o’r Cyngor ddiogelwch o ran defnyddio cardiau prynu.  Dywedodd y Pennaeth Cyllid a’r Swyddog Adran 151 fod cardiau prynu ond ar gael i swyddogion awdurdodedig.  Mae cyfyngiadau credyd ar gardiau ac mae’n rhaid i'r holl wariant ar y cardiau gael ei awdurdodi gan reolwyr llinell.  Adolygir y defnydd o gardiau prynu gan swyddogion o’r adran Cyllid a Chaffael ac mae rheoliadau llym ar waith yn llywodraethu eu defnydd.  Dywedodd wrth Aelodau fod y Cyngor yn cael ad-daliad o'r defnydd o gardiau prynu ac ymrwymodd i roi manylion yr ad-daliad i Aelodau.

PENDERFYNWYD:                Bod y Cyngor yn cymeradwyo’r diwygiadau i’r Rheolau Gweithdrefn Ariannol ac yn dilyn hynny cymeradwywyd y Cyfansoddiad wedi’i ddiweddaru.                 

Adroddodd y Rheolwr Gr?p Datblygu ar ganfyddiadau Adroddiad Monitro Blynyddol (AMR) 2017 y Cynllun Datblygu Lleol a cheisiwyd cymeradwyaeth y byddai'r Pwyllgor Rheoli Datblygu yn cymryd rôl y Gr?p Llywio CDLl. 

Dywedodd y Rheolwr Gr?p Datblygu wrth Aelodau mai’r adroddiad yw’r 3ydd adroddiad o’r fath sydd wedi’i gyhoeddi ers i’r CDLl gael ei fabwysiadu yn 2013. Dywedodd mai’r CDLl yw un o’r strategaethau lefel uchel y mae’n rhaid iddi gael ei pharatoi gan y Cyngor sy’n nodi blaenoriaethau’r Cyngor mewn termau defnydd tir ond rhaid iddi hefyd gydymffurfio â pholisi a rheoliadau cenedlaethol.  Mae’r cynllun yn seiliedig ar dystiolaeth ac yn cynnwys ymgynghori a chraffu annibynnol sylweddol.  Mae dyletswydd statudol ar y Cyngor i adolygu’r holl faterion y disgwylir iddynt effeithio ar ddatblygiad yn ei ardal ac mae Adran 76 o Dfeddf Cynllunio a Phrynu Gorfodol 2004 yn ei gwneud yn ofynnol i’r materion hyn gael eu mynegi ar ffurf Adroddiad Monitro Blynyddol i’w gyflwyno i Lywodraeth Cymru.  Dywedodd wrth y Cyngor fod yr AMR yn ei hanfod yn ‘Wiriad Iechyd’ ar gyfer y CDLl, sy'n penderfynu pa mor effeithiol y mae wedi bod o ran bodloni amcanion y cynllun a ph'un a yw'r strategaeth ddatblygu sy'n sail i'r cynllun parhau'n ddilys.  Mae’r AMR hefyd yn ystyried sut gallai newidiadau cyd-destunol, fel cyflwr yr economi a dylanwadau cenedlaethol a rhanbarthol a newidiadau i ddeddfwriaeth, hefyd ddylanwadu ar lwyddiant neu ddilysrwydd y Cynllun.  Tynnodd sylw at rai o’r ‘canfyddiadau allweddol’ o ddadansoddiad data 2017 ar gyfer y cyfnod 1 Ebrill 2016 i 31 Mawrth 2017:

Mae 4978 o aneddiadau newydd wedi’u cwblhau yn ystod y cyfnod hyd at 2017 – gyda 1150 yn fforddiadwy.

Mae gan y Cyngor gyflenwad tir sydd ar gael ar gyfer tai a asesir yn erbyn y gofyniad tai yn y CDLl o 4.0 blynedd, sydd yn is na’r gofyniad isaf o 5 mlynedd.

Yn ystod y cyfnod monitro datblygwyd 1.4 hectar o dir cyflogaeth gwag, sy’n is o lawer na gofyniad y CDLl o 6.3 hectar y flwyddyn.

Wrth benderfynu pa mor llwyddiannus mae strategaeth Datblygiad Gofodol a Arweinir Adfywio y CDLl wedi bod, mae’r CDLl wedi nodi 4 ardal Twf Strategol ym Mhen-y-bont, Porth y Cymoedd, Maesteg a Phorthcawl. Mae gwaith monitro gweithrediad dyraniadau tai a chyflogaeth yn dangos bod ardaloedd strategol Pen-y-bont a Phorth y Cymoedd wedi bod yn llwyddiannus iawn o ran darpariaeth ond mae Ardaloedd Twf Maesteg a Phorthcawl wedi tanberfformio.  Priodolir y tanberfformiad hwn yn bennaf i faterion hyfywedd ym Maesteg a materion perchnogaeth tir ym Mhorthcawl lle mae Ardal Adfywio Glannau Porthcawl wedi methu â darparu'r lefelau twf disgwyliedig. 

Mae Cyfraddau Adeiladau Gwag canol ein trefi yn 17.7% ym Mhen-y-bont, 4.9% ym Mhorthcawl a 6.0% ym Maesteg.  Yn y cyd-destun hwn mae Cyfradd Adeiladau Gwag Canol Trefn Pen-y-bont ar Ogwr yn uwch na tharged y CDLl o 15%.

O ran monitro’r angen i ddarparu Safle Sipsiwn a Theithwyr parhaol neu symudol, penderfynwyd ar hyn drwy ddiweddaru tystiolaeth yn yr Arolwg Llety Sipsiwn a Theithwyr diweddar.  Mae’r arolwg  ...  Gweld y cofnodion lawn ar gyfer eitem 94.

Nododd y Rheolwr Gr?p Datblygu fod y pwyllgor Rheoli Datblygu, yn ei gyfarfod ar 9 Tachwedd 2017, wedi ystyried cais cynllunio P/17/585/FUL yn lle’r Cynllun Datblygu Lleol.  Dywedodd fod y Pwyllgor wedi penderfynu peidio â gwrthod caniatâd cynllunio a chyfeiriodd at y cais i’r Cyngor yn gofyn iddo gymeradwyo’r cais yn amodol ar amodau.

Adroddodd y Rheolwr Gr?p Datblygu fod y cais yn ceisio ôl-ganiatâd am glinig a stiwdio ffisiotherapi o fewn uned ddiwydiannol bresennol.  Mae safle’r cais yn Ystâd Ddiwydiannol Pen-y-bont ar Ogwr sydd wedi’i ddyrannu a’i ddiogelu ar gyfer cyflogaeth defnydd B1, B2 a B8 gan bolisïau REG1(2) a REG2 o Gynllun Datblygu Lleol (CDLl) mabwysiedig Pen-y-bont ar Ogwr.  Dywedodd wrth y Cyngor fod y safle wedi’i adael yn ddiweddar gan Heddlu De Cymru a ddefnyddiodd yr ardal fel gofod swyddfa B1.  Roedd y safle bellach yn cael ei ddefnyddio gan yr ymgeisydd fel stiwdio a chlinig ffisiotherapi heb ganiatâd cynllunio. 

Dywedodd wrth y Cyngor fod y cais yn ailgyflwyniad o gais blaenorol ar gyfer “newid defnydd o swyddfa ategol i Ddosbarth D1 (clinig ffisiotherapi)” dan gyfeirnod cynllunio P/17/44/FUL a’i fod wedi’i wrthod ar 24 Ebrill 2017. 

PENDERFYNWYD:            Bod y Cyngor yn dueddol o beidio ag eisiau gwrthod y datblygiad a bod y Cyfarwyddwr Corfforaethol Cymunedau yn cael pwerau llawn i gyhoeddi hysbysiad penderfynu mewn perthynas â’r cynnig yn amodol ar yr amodau yn adroddiad y Cyfarwyddwr Corfforaethol Cymunedau.  

Ceisiodd y Cyfarwyddwr Corfforaethol Gwasanaethau Gweithredol a Phartneriaethau gymeradwyaeth yr Aelod Etholedig Strategaeth Dysgu a Datblygu.

Dywedodd fod adolygiad bwrdd gwaith o’r Strategaeth wedi’i gynnal i sicrhau ei bod yn addas at y diben ac wedi’i diweddaru i adlewyrchu nifer o ffactorau sydd wedi newid ers cymeradwyo’r Strategaeth wreiddiol.  Dywedodd wrth y Cyngor fod Aelodau Etholedig newydd wedi dynodi bod angen newidiadau i’r gwaith o ddarparu Gweithgareddau Datblygu Aelodau a chynigiwyd rhannu'r Strategaeth yn 5 cam: Gweinyddu; yr Hanfodion; Swyddogaethau Craidd; Nodi anghenion y Cynghorwyr unigol a Datblygiad Parhaus. 

Adroddodd ar gynnig fod y Pwyllgor Gwasanaethau Democrataidd yn categoreiddio pynciau datblygiad aelodau fel a ganlyn: Hanfodol; Argymhellir ac Opsiynol.  Dywedodd hefyd wrth y Cyngor am gynnig i wneud defnydd gwell o gyfleusterau e-ddysgu yn y rhaglen datblygu aelodau. 

PENDERFYNWYD:            Bod y Cyngor yn cymeradwyo’r Strategaeth Dysgu a Datblygu Aelodau Etholedig.   

Cyflwynodd y Cyfarwyddwr Corfforaethol Gwasanaethau Gweithredol a Phartneriaethau adroddiad gyda’r nod o lywio Adroddiadau Gwybodaeth y Cabinet a gyhoeddwyd ers y cyfarfod diwethaf.

PENDERFYNWYD:            Y byddai’r Cyngor yn cydnabod cyhoeddi’r dogfennau a restrir yn yr adroddiad:-

Teitl                                                     Dyddiad Cyhoeddi

Penderfyniad Dirprwyedig Brys               23 Tachwedd 2017 

Ymateb i Adroddiad Drafft                       23 Tachwedd 2017  

Panel Cydnabyddiaeth Annibynnol

Cymru   

(a)          Question from Councillor A Hussain to the Cabinet Member Wellbeing and Future Generations

Data from the British Pest Control Association (BPCA), identified that in 2015-16 Bridgend County Borough Council dealt with more rat problems per head than any other authority in Britain.  Last year Bridgend had a 4% reduction in the pest call out levels compared to other Authorities across the UK, which appears to be a step in the right direction.  However in recent weeks the number of rats seen across the County Borough appears to be increasing including in my own ward of Pen-y-fai.  Although many of these rat sightings are of dead rats, can the Cabinet Member explain what is being done to minimise the rat population across the County Borough and what steps are being taken to ensure that the health and wellbeing of the residents is not adversely impacted by the rat population.

(b)          Question from Councillor J Radcliffe to the Cabinet Member Social Services and Early Help 

“What assessment has the authority – either alone or as part of regional collaboration – made  (or intends to make) of the implications of the recent British Medical Journal research (http://bmjopen.bmj.com/content/7/11/e017722  ) on the link between social care cuts and mortality rates in care homes in England, and how will the authority use this research to inform budget planning and service design?”

Cwestiwn gan y Cynghorydd A Hussain i’r Aelod Cabinet Lles a Chenedlaethau’r Dyfodol

 “Nododd data Cymdeithas Rheoli Plâu Prydain (BPCA), yn 2015-16, fod Cyngor Bwrdeistref Sirol Pen-y-bont ar Ogwr wedi delio â mwy o broblemau llygod y pen nag unrhyw awdurdod arall ym Mhrydain.   Y llynedd bu gostyngiad o 4% ym Mhen-y-bont yn y galwadau plâu o gymharu ag Awdurdodau eraill ledled y DU, sy'n ymddangos fel cam yn y cyfeiriad cywir.  Fodd bynnag, dros yr wythnosau diwethaf mae nifer y llygod mawr ar draws y Fwrdeistref Sirol i'w weld yn cynyddu, gan gynnwys yn fy ward i, Pen-y-fai.  Er bod llawer o’r llygod mawr sy’n cael eu gweld yn rhai marw, a all yr Aelod Cabinet esbonio beth sy'n cael ei wneud i leihau’r boblogaeth llygod mawr ar draws y Fwrdeistref Sirol a pha gamau sy’n cael eu cymryd i sicrhau bod iechyd a lles y preswylwyr ddim yn cael ei effeithio gan y llygod mawr hyn?”

Ymateb gan yr Aelod Cabinet Lles a Chenedlaethau’r Dyfodol

Mae’r cyfle i ddarparu rhagor o wybodaeth am safbwynt Cymdeithas Rheoli Plâu Prydain fod Cyngor Bwrdeistref Sirol Pen-y-bont ar Ogwr wedi delio â mwy o broblemau llygod mawr y pen nag unrhyw awdurdod arall ym Mhrydain yn 2015-2016 yn rhywbeth rwy’n si?r y bydd aelodau am ei weld. 

Dylid nodi fod arolwg BPCA yn cydnabod cyfyngiadau o ran cymharu gweithgarwch Rheoli Plâu awdurdodau lleol gwahanol. Yn wahanol i 92% o awdurdodau yn y DU, mae Cyngor Bwrdeistref Sirol Pen-y-bont ar Ogwr yn darparu gwasanaeth am ddim ar gyfer plâu o bwys iechyd y cyhoedd, gan gynnwys llygod mawr. Mae’n wybodaeth gyffredin fod taliadau rheoli plâu mewn awdurdod lleol yn lleihau nifer y triniaethau mae’r Cyngor yn eu cynnal.   Mae ffigurau BCPA felly yn debygol o fod yn adlewyrchiad o'r polisi prisio mae Cyngor Pen-y-bont ar Ogwr yn ei weithredu yn hytrach na chymhariaeth go iawn o faint y problemau llygod mawr yn Awdurdodau Lleol y DU.

Dylid nodi hefyd nad yw nifer fawr o Awdurdodau Lleol y DU yn darparu Gwasanaethau Rheoli Plâu mwyach ac felly nid yw arolwg BPCA yn cynnwys unrhyw wybodaeth o'r ardaloedd hynny na chan gwmnïau Rheoli Plâu preifat.

O ystyried hyn, a’r ffaith fod BPCA wedi nodi nad oedd eu ffigurau’n gyflawn, mae’n annheg dweud bod gan Ben-y-bont broblem benodol.  Mae barn Cymdeithas Rheoli Plâu Prydain yn tynnu sylw at waith da Cyngor Bwrdeistref Sirol Pen-y-bont ar Ogwr yn delio gyda phlâu yn ogystal â’r ffaith, yn wahanol i’r rhan fwyaf o awdurdodau lleol eraill, fod Cyngor Bwrdeistref Sirol Pen-y-bont ar Ogwr yn cynnig gwasanaeth am ddim o hyd y mae preswylwyr yn ei ddefnyddio.  Mae cadw’r gwasanaeth am ddim hwn, yn wyneb cefndir o doriadau ariannol, yn gam cadarnhaol sy’n diogelu iechyd a lles preswylwyr yr effeithir arnynt yn negyddol gan y boblogaeth llygod mawr.

Cyfeirir yr holl alwadau sy’n ymwneud â phlâu mewn aneddiadau preswyl at Mitie Pest Control, sef darparwr gwasanaeth dan gontract y Cyngor.  Yn ystod cyfnodau cymharol dros y 4 blynedd ddiwethaf,  ...  Gweld y cofnodion lawn ar gyfer eitem 98.

“That Bridgend County Borough Council:

Recognises the public concern about dog fouling in the County Borough. 

Notes that dog fouling can have serious health implications, including toxocariasis which can cause infections leading to gangrene and amputations.

Applauds Rhondda Cynon Taf County Borough Council's efforts to implement new harder-hitting dog fouling rules through its Sort **IT Out! campaign.

Calls on Bridgend County Borough Council to immediately introduce a similar scheme which includes a Public Spaces Protection Order which would:

• ban dog walking from all schools, children’s play areas and marked sports pitches maintained by the Council.
• compel dog owners to keep a dog on a lead at all times at Council maintained cemeteries.
• compel dog owners to clean up their dogs’ mess immediately and dispose of it properly.
• compel dog owners? to carry means to pick up dog mess (i.e. bags) at all times.
• compel dog owners to follow a direction from an authorised officer to put a dog on a lead.
• empower authorised officers to levy an increased penalty on irresponsible dog owners who flout these rules”.?

Cynigiodd y Cynghorydd A Williams yr Hysbysiad o Gynnig canlynol.

 “Bod Cyngor Bwrdeistref Sirol Pen-y-bont ar Ogwr:

Yn cydnabod pryder cyhoeddus ynghylch baw c?n yn y Fwrdeistref Sirol. 

Yn nodi y gall baw c?n gael goblygiadau iechyd difrifol, gan gynnwys tocsocariasis a all achosi heintiau sy'n arwain at fadredd a thrychiadau.

Yn cymeradwyo ymdrechion Cyngor Bwrdeistref Sirol Rhondda Cynon Taf i weithredu rheolau baw ci llymach drwy’r ymgyrch ‘Ewch â’ch C*CHU ‘da chi!’.

Yn galw ar Gyngor Bwrdeistref Sirol Pen-y-bont ar Ogwr i gyflwyno cynllun tebyg sy’n cyflwyno Gorchymyn Diogelu Mannau Cyhoeddus a fyddai yn:

• Gwahardd cerdded c?n mewn ysgolion, ardaloedd chwarae plant a chaeau chwarae sydd wedi’u marcio a gynhelir gan y Cyngor.
• Annog perchnogion c?n i gadw ci ar dennyn bob amser mewn mynwentydd a gynhelir gan y Cyngor.
• Annog perchnogion c?n i lanhau baw eu c?n ar unwaith a’i waredu’n briodol.
• Annog perchnogion c?n i gario bagiau ar gyfer codi baw ci bob amser.
• Annog perchnogion c?n i ddilyn cyfarwyddyd swyddogion awdurdodedig i roi ci ar dennyn.
• Grymuso swyddogion awdurdodedig i godi cosb gynyddol ar berchnogion c?n anghyfrifol sy’n dorri’r rheolau”.

Eiliwyd yr Hysbysiad o Gynnig gan y Cynghorydd KJ Watts.

Mynegodd yr Aelod Cabinet Cymunedau gydymdeimlad â bwriad yr Hysbysiad o Gynnig, gan fod gweithredu yn erbyn baw c?n yn un o addewidion allweddol y maniffesto.  Dywedodd, er mwyn gweithredu Gorchymyn Diogelu Mannau Cyhoeddus fel y cynigir yn yr Hysbysiad o Gynnig, y bydd angen cynnal ymgynghoriad cyhoeddus sylweddol yn gyntaf.  Dywedodd hefyd, gan fod y mater yn swyddogaeth i’r Cyngor, y byddai angen archwilio pob llwybr sydd ar gael i’r Cyngor i gyflwyno mesurau cadarn er mwyn mynd i’r afael ag ysbryd yr Hysbysiad o Gynnig gwreiddiol a byddai angen cyflwyno adroddiad mewn cyfarfod Cabinet yn y dyfodol.  Dywedodd wrth y Cyngor hefyd y byddai angen ymgysylltu â phartneriaid allweddol ac y byddai angen i’r adran Graffu ystyried y cynigion hefyd.   

Wrth eilio’r cynnig a wnaed gan yr Aelod Cabinet Cymunedau, dywedodd y Cynghorydd JP Blundell y byddai angen ariannu gweithrediad Gorchymyn Diogelu Mannau Cyhoeddus.  Bydd hefyd angen ymgysylltu â phartneriaid allweddol er mwyn gorfodi Gorchymyn o’r fath a byddai angen edrych ar brofiadau awdurdodau lleol eraill sydd wedi gweithredu Gorchmynion. 

Ar ôl cael sicrwydd gan yr Aelod Cabinet Cymunedau, tynnodd y Cynghorydd A Williams yr Hysbysiad o Gynnig yn ôl, a eiliwyd gan y Cynghorydd KJ Watts.

PENDERFYNWYD:            Y byddai’r Hysbysiad o Gynnig gwreiddiol yn cael ei dynnu’n ôl a bod diwygiad yn cael ei wneud y cynhelir ymgynghoriad i archwilio pob llwybr sydd ar agor i’r Cyngor i gyflwyno mesurau cadarn er mwyn mynd i’r afael ag ysbryd yr Hysbysiad o Gynnig gwreiddiol a bod adroddiad yn cael ei gyflwyno i’r Cabinet gan fod hyn yn swyddogaeth i’r Cabinet.Byddai angen ymgysylltu â phartneriaid allweddol a chyflwyno adroddiad ar y cynigion ar y Blaen-Raglen Waith Craffu.

“That Council resolves to engage with its workforce representatives/trade unions to implement a local Charter to protect individuals facing terminal illness”. 

Tynnwyd yr eitem hon yn ôl. 

To consider any item(s) of business in respect of which notice has been given in

accordance with Part 4 (paragraph 4) of the Council Procedure Rules and which the person presiding at the meeting is of the opinion should by reason of special circumstances be transacted at the meeting as a matter of urgency. 

Nid oedd dim materion brys.