To receive declarations of personal and prejudicial interest (if any) from Members/Officers in accordance with the provisions of the Members’ Code of Conduct adopted by Council from 1st September 2009.

Dim.

To receive for approval the Minutes of the meeting of the Coychurch Crematorium Joint Committee held on 30 June 2017

PENDERFYNWYD:    Cymeradwyo Cofnodion cyfarfod Cyd-bwyllgor Amlosgfa Llangrallo dyddiedig 30 Mehefin 2017 fel cofnod gwir a chywir.

Cyflwynodd y Rheolwr Gwasanaethau Profedigaeth a'r Cofrestrydd adroddiad, a phwrpas hwn oedd cynghori'r Cyd-bwyllgor ynghylch cais llwyddiannus Amlosgfa Llangrallo am Wobr y Faner Werdd yn 2017.

Tynnodd yr adroddiad sylw at y ffaith fod yr Amlosgfa unwaith eto wedi llwyddo i sicrhau'r wobr hon a gydnabyddir yn genedlaethol am y safonau gofal ac am gynnal a chadw'r safle a'r tiroedd. Mae'r wobr yn cadarnhau'r ymrwymiad i gynnal safonau uchel, y gellir ei werthfawrogi gan yr holl ymwelwyr.

Cadarnhaodd y Rheolwr Gwasanaethau Profedigaeth a'r Cofrestrydd mai Llangrallo oedd un o ddim ond tri safle amlosgfa yng Nghymru sydd wedi ennill Gwobr y Faner Werdd, ac roedd wedi derbyn y wobr hon yn awr am yr wythfed flwyddyn yn olynol.

Mae'n rhaid gwneud cais blynyddol am y Wobr a bydd cyflwyniad pellach yn cael ei wneud ym mis Ionawr 2018.

Yn olaf, cadarnhaodd y Rheolwr Gwasanaethau Profedigaeth a'r Cofrestrydd mai cost gwneud cais am y wobr oedd £350, a byddai’r arian hwn yn cael ei dalu o'r Gyllideb Refeniw.

Diolchodd y Cadeirydd a'r Aelodau i'r Swyddog a'i staff am ennill y Wobr hon unwaith eto.

PENDERFYNWYD:   Bod y Cyd-bwyllgor yn nodi llwyddiant yr Amlosgfa wrth sicrhau Gwobr y Faner Werdd am 2017.

Cyflwynodd y Clerc a'r Swyddog Technegol adroddiad, a oedd yn hysbysu’r Cydbwyllgor am y trefniadau ar gyfer Gwasanaeth Nadolig 2017.

Amlinellwyd y manylion am hyn ym mharagraff 4.1 yr adroddiad.

Cadarnhaodd y Rheolwr Gwasanaethau Profedigaeth a'r Cofrestrydd y bydd gwahoddiadau yn cael eu hanfon at Feiri Cynghorau Bwrdeistrefi Sirol Pen-y-bont ar Ogwr, Bro Morgannwg a Rhondda Cynon Taf, Aelodau'r Cydbwyllgor a Chynghorwyr lleol, gan gynnwys Cynghorwyr Tref / Cymuned.

Ychwanegodd y byddai'r digwyddiad yn cael ei hysbysebu fel y bo'n briodol, gan gynnwys ar wefan y Cyngor.

Ychwanegodd y Rheolwr Gwasanaethau Profedigaeth a'r Cofrestrydd ymhellach, y byddai arian y casgliad ariannol a dderbynnir ar y noson yn cael ei roi i Gronfa Elusen y Maer Cadeirydd y Cydbwyllgor fel arfer.

O ran goblygiadau ariannol yr adroddiad, dywedodd y Rheolwr Gwasanaethau Profedigaeth a'r Cofrestrydd wrth yr Aelodau y byddai'r Co-operative Funeral Group yn rhoi cyfraniad at y lluniaeth ar gyfer y digwyddiad. Cyfrifwyd am gost staff a pherfformwyr, a amcangyfrifwyd yn £450, o fewn cyllideb refeniw'r Amlosgfa.

PENDERFYNWYD:              Bod y Cydbwyllgor yn nodi'r adroddiad.

Cyflwynodd y Trysorydd adroddiad, a'i bwrpas oedd hysbysu'r Cydbwyllgor am fanylion incwm a gwariant ar gyfer chwarter cyntaf blwyddyn ariannol 2017-18, a rhoi rhagamcan o'r alldro terfynol,

Dywedodd y Cyfrifydd - System Ffurflenni fod mân newidiadau i'r gyllideb am y flwyddyn, oherwydd recriwtio staff diogelwch i weithio yn lle aelod staff oedd ar absenoldeb salwch tymor hir. Adlewyrchwyd hyn yn y gwahaniaeth rhwng adran cyllideb y gweithwyr a'r gyllideb ar gyfer adeiladau yn yr adroddiad.

Ychwanegodd ymhellach y bu cynnydd yn Ardrethi Busnes y gyllideb adeiladau.

Mae’r gorwariant alldro rhagamcanol ar gyfer y Safle sef £11k yn cynnwys gorwariant o ran Ardrethi Busnes o £18k o ganlyniad i ailbrisio Gwerth Trethiannol.

Hysbysodd y Cyfrifydd - System Ffurflenni'r Aelodau hefyd fod mân danwariannau o tua £6k wedi bod o ran costau atgyweirio a dillad.

Yna cadarnhaodd fod y costau Cyfalaf yn £429k gyda chostau Gwaith Cyfalaf fel y cytunwyd gan y Cydbwyllgor yn gyfanswm o £315k o'r swm hwn.

O ran Cyllideb Gwaith Cyfalaf 2017-18 fel y'i gwelir yn Nhabl 2 a gynhwysir ym mharagraff 4.2 yr adroddiad, roedd balans o £79k a fydd yn cael ei ddefnyddio i dalu balans y benthyciad sydd ar ôl, a gymeradwywyd gan y Cydbwyllgor yn flaenorol ar 3 Mawrth 2017.

O ran y Ffurflen Flynyddol ar gyfer 2016-17, dangoswyd hon yn Atodiad 1 yr adroddiad ac fe’i cyflwynwyd i Swyddfa Archwilio Cymru ar ddiwedd Mehefin 2017, gan ddangos gweddill o £347k am y flwyddyn, a balans cronedig o £1,082,000 i'w ddefnyddio yn yr Amlosgfa. Dangosodd Atodiad 2 yr adroddiad fod y Ffurflen wedi cael ei harchwilio ac nad oedd unrhyw newidiadau iddi.

Eglurodd y Rheolwr Gwasanaethau Profedigaeth a'r Cofrestrydd statws presennol Loj yr Amlosgfa, mewn ymateb i gwestiynau am hyn gan Aelodau.

PENDERFYNWYD:              Bod y Cydbwyllgor yn nodi'r adroddiad.    

To consider any other item(s) of business in respect of which notice has been given in accordance with Rule 4 of the Council Procedure Rules and which the person presiding at the meeting is of the opinion should by reason of special circumstances be transacted at the meeting as a matter of urgency.

Dim.