Cyflwynodd y Rheolwr Gwasanaethau Democrataidd adroddiad a roddai'r newyddion diweddaraf i'r pwyllgor am drefniadau ynghylch gwe-ddarlledu cyfarfodydd y Cyngor, y Cabinet a Phwyllgorau, a gofynnodd am sylwadau'r Pwyllgor Gwasanaethau Democrataidd ynghylch pa gyfarfodydd y dylid eu gwe-ddarlledu.

Hysbysodd y Pwyllgor ynghylch y trefniadau gwe-ddarlledu cyfredol a nodir yn adran 4.2 yr adroddiad.

Dywedodd y Rheolwr Gwasanaethau Democrataidd wrth yr Aelodau y byddai Swyddogion, yn ystod cyfnod y contract nesaf, yn ystyried dichonoldeb datrysiadau eraill ar gyfer gwe-ddarlledu, sef drwy Skype a YouTube.  Roedd swyddogion o'r Gwasanaethau Democrataidd a'r Adran TGCh wedi ymweld â Chyngor Sir Fynwy i weld sut yr oeddent yn gwe-ddarlledu cyfarfodydd.  Dywedodd fod yr opsiwn hwn yn cael ei ystyried ac y byddai'n golygu arbed costau.

Darparodd ystadegau cyfarfodydd a we-ddarlledwyd yn 2018/19. Mae'r rhain wedi'u rhestru isod:

Rhestrodd y Rheolwr Gwasanaethau Democrataidd y cyfarfodydd canlynol a oedd wedi cael eu gwe-ddarlledu ar gyfer y flwyddyn 2019/20 hyd yma, gan gynnwys dadansoddiad o'r gwylio:

Hysbysodd y Rheolwr Gwasanaethau Democrataidd y pwyllgor fod y cyfarfodydd canlynol wedi'u cynnig i'w gwe-ddarlledu hyd fis Mawrth 2020:

•           Pwyllgor Rheoli Datblygu - 5 Rhagfyr 2019

•           Y Cabinet - 17 Rhagfyr 2019

•           Pwyllgor Trosolwg a Craffu Corfforaethol i'w gadarnhau - (Y Gyllideb)

Dywedodd fod cyfarfodydd mis Hydref 2019 a mis Tachwedd 2019 wedi'u hepgor yn fwriadol oherwydd bod trefniant i osod camerâu HD newydd yn fuan ym mis Tachwedd i gymryd lle'r camerâu presennol sydd wedi'u gosod yn Siambr y Cyngor.

Gofynnodd Aelod pwy sy'n penderfynu ar ba gyfarfodydd i'w gwe-ddarlledu.  Esboniodd y Rheolwr Gwasanaethau Democrataidd mai'r Tîm Gwasanaethau Democrataidd sy'n dewis cyfarfodydd yn bennaf, ar y sail y gallai'r eitem neu'r eitemau ar agenda'r cyfarfod hwnnw fod o ddiddordeb i'r cyhoedd.

Esboniodd fod croeso o hyd i Aelodau fynegi sylwadau wrth y Tîm Gwasanaethau Democrataidd ynghylch pa gyfarfodydd y maent am iddynt gael eu gwe-ddarlledu, a rhoddir ystyriaeth i'r sylwadau hynny.

Dywedodd Aelod y gallai newid y term a ddefnyddir i ddisgrifio gwe-ddarlledu ei gwneud hi'n haws i aelodau'r cyhoedd ganfod y ddolen ar y wefan ar gyfer cyfarfodydd sydd wedi'u recordio. Esboniodd nad yw 'gwe-ddarlledu' mewn gwirionedd yn esbonio'r hyn yr ydym yn ei wneud mewn gwirionedd, neu ei bod hi'n bosibl na fydd cynulleidfa h?n yn deall y term. Ychwanegodd y gallai newid yr enw i 'gweld cyfarfod y Cyngor' neu rywbeth tebyg helpu'r cyhoedd i ddeall yn well. Cytunodd y Rheolwr Gwasanaethau Democrataidd i fynd ar drywydd hyn.

PENDERFYNWYD: Bod y Pwyllgor Gwasanaethau Democrataidd:

1. Yn nodi'r diweddariad ar drefniadau i we-ddarlledu cyfarfodydd y Cyngor, y Cabinet a Phwyllgorau fel y manylir yn adran 4 yr adroddiad.
2. Wedi gwneud sylwadau ynghylch y rhestr o gyfarfodydd a gynigir, fel y manylir yn adran 4.4.4 o'r adroddiad, ac wedi mynegi ei farn ynghylch pa gyfarfodydd y dylid eu gwe-ddarlledu yn y dyfodol.

Yn gofyn i'r Pennaeth Gwasanaethau Democrataidd ystyried datrysiadau eraill ar gyfer gwe-ddarlledu cyfarfodydd, er mwyn sicrhau’r datrysiad mwyaf cost-effeithiol, ac i'w gwneud yn fwy hygyrch i'r cyhoedd.