Cyflwynodd y Rheolwr Gwasanaethau Democrataidd adroddiad a oedd yn rhoi diweddariad i’r pwyllgor ar y trefniadau ar gyfer gweddarlledu cyfarfodydd y Cyngor, y Cabinet a Phwyllgorau, ac yn rhoi safbwyntiau ar ba gyfarfodydd y dylid eu gweddarlledu.

Amlinellodd y Rheolwr Gwasanaethau Democrataidd yr ystadegau gweddarlledu ar gyfer y blynyddoedd 2018/19 a 2019/20 a oedd yn dangos Gwylio’n Fyw, Gwylio Ar Gais, a Chyfanswm Gwylio ar gyfer pob cyfarfod a weddarlledwyd. Rhestrir y tablau ar gyfer y blynyddoedd unigol isod:

Gweddarlledu cyfarfodydd 2018/19

Gweddarlledu cyfarfodydd 2019/20

Esboniodd y Rheolwr Gwasanaethau Democrataidd fod amryw flaengynlluniau gwaith a rhaglenni gwaith pwyllgor wedi cael eu hadolygu gyda’r bwriad o gadarnhau pa gyfarfodydd y cynigir eu gweddarlledu yn ystod y tri mis nesaf. Ychwanegodd fod y cynigion wedi cael eu datblygu gan roi ystyriaeth i eitemau y tybiwyd eu bod o ddiddordeb sylweddol i’r cyhoedd. Cynigiwyd gweddarlledu’r cyfarfodydd canlynol:

• Cyfarfod Cyfunol Pwyllgor Trosolwg a Chraffu ar Bwnc 1 a 2 – 19 Mawrth 2020 (Trefniadau Teithio Dysgwyr ac Addysg Ôl-16)
• Pwyllgor Trosolwg a Chraffu ar Bwnc 3 – 23 Mawrth 2020 (Gweithio Tuag at Ben-y-bont ar Ogwr Ddi-blastig)
• Pwyllgor Rheoli Datblygu – 9 Ebrill 2020
• Pwyllgor Trosolwg a Chraffu ar Bwnc 3 – 27 Ebrill 2020 (Rheoli Gwastraff / Canolfannau Gwastraff ac Ailgylchu)
•  

Esboniodd Aelod fod problem wedi codi yng nghyfarfod diwethaf y Cyngor lle’r oedd cyflwyniad Skype wedi’i drefnu gan unigolyn gwadd. Esboniodd nad oedd modd defnyddio Siambr y Cyngor ar gyfer y trefniant hwn ac y bu’n rhaid symud y cyfarfod i’r Ystafelloedd Pwyllgor, a achosodd oedi a dryswch. Gofynnodd a ellid ystyried datblygu system lle’r oedd modd i wahoddedigion a Chynghorwyr fynychu o bell. Ychwanegodd y dylai hyn fod yn flaenoriaeth yng ngoleuni deddfwriaeth newydd y llywodraeth.

Cytunodd Aelod â’r sylwadau uchod a dywedodd y dylai Llywodraeth Cymru fod yn cyfrannu tuag at ariannu hyn gan y byddai Awdurdodau Lleol ledled Cymru yn ei chael hi’n anodd talu’r costau sy’n gysylltiedig â hyn.

PENDERFYNWYD: Bod y Pwyllgor Gwasanaethau Democrataidd:

• Yn nodi’r diweddariad ar y trefniadau ar gyfer gweddarlledu cyfarfodydd y Cyngor, y Cabinet a Phwyllgorau, fel y manylir yn adran 4 yr adroddiad
• Yn gwneud sylwadau ar y rhestr o gyfarfodydd y cynigir eu gweddarlledu, fel y manylir yn adran 4.4.4 yr adroddiad, ac yn rhoi ei farn yngl?n â pha gyfarfodydd y dylid eu gweddarlledu yn y dyfodol.