Rhoddodd y Rheolwr Ymgynghori, Ymgysylltu a Chydraddoldeb adroddiad, a roddodd y wybodaeth ddiweddaraf i Bwyllgor y Cabinet Cydraddoldeb ar y cynnydd a wnaed wrth gyflawni'r Cynllun Cydraddoldeb Strategol (CCS) 2016 - 2020 yn ystod 2019/2020. Dyma'r pedwerydd adolygiad blynyddol a'r olaf ar gyfer y cynllun hwn, ychwanegodd.

Esboniodd, yn dilyn ymgynghoriad cyhoeddus, bod Cynllun Cydraddoldeb Strategol (CCS) (2016-2020) y Cyngor wedi'i gymeradwyo gan y Cabinet ar 15 Mawrth 2016.

Cynhaliwyd ymgynghoriad pellach gyda’r grwpiau cydraddoldeb ac amrywiaeth cyhoeddus yn ystod mis Mai a mis Mehefin 2016, er mwyn datblygu’r cynllun gweithredu a fyddai’n cefnogi cyflawni’r saith amcan yn y CCS dros y cyfnod o bedair blynedd. Ymgynghorwyd â swyddogion allweddol/arweiniol ynghylch datblygu camau gweithredu ystyrlon a chyraeddadwy yn eu priod wasanaethau. Roedd y cynllun gweithredu terfynol yn ddogfen fyw ac yn cynnwys 47 o gamau gweithredu. Cafodd ei gymeradwyo gan Bwyllgor y Cabinet Cydraddoldeb ym mis Gorffennaf 2016. Cafodd y cynllun gweithredu ei atodi fel dogfen gefndir i'r adroddiad (yn atodiad un).

Atgoffodd y Rheolwr Ymgynghori, Ymgysylltu a Chydraddoldeb yr Aelodau, fod y Pwyllgor wedi cael tri diweddariad ar gynnydd. Cyflwynwyd cynnydd yn ystod 2016/17 yn y cyfarfod ym mis Gorffennaf 2017, cyflwynwyd cynnydd yn ystod 2017/18 ym mis Gorffennaf 2018 a chyflwynwyd cynnydd yn ystod 2018/19 i’r Aelodau ym mis Gorffennaf 2019.

Gan gyfeirio at yr amser presennol, cyfeiriodd yr Aelodau at atodiad 1 yr adroddiad, a oedd yn manylu ar y cynnydd ar gynllun gweithredu'r Cynllun Cydraddoldeb Strategol (CCS) ar gyfer 2019/2020 a dangoswyd pwyntiau allweddol yngl?n â hyn ar ffurf pwyntiau bwled ym mharagraff 4.1 o'r adroddiad, mewn perthynas â'r meysydd canlynol:

• Cludiant
• Meithrin cysylltiadau da a hyfforddiant ymwybyddiaeth;
• Ein rôl fel cyflogwr;
• Iechyd meddwl;
• Plant;
• Hamdden, y Celfyddydau a Diwylliant, a
• Mentrau data

Cadarnhaodd Aelod ei fod yn falch o'r cynnydd a wnaed dros y pedair blynedd diwethaf yn y Cynllun Cydraddoldeb Strategol a chynigion ei Gynllun Gweithredu ategol ar gyfer y flwyddyn ddiwethaf/gyfredol. Yn ystod ei dymor fel Maer, hyd yn ddiweddar iawn, roedd wedi bod yn rhan o'i rôl mewn nifer o ymrwymiadau fel yr adlewyrchwyd yn y cynllun gweithredu, i gefnogi Troseddau Casineb ac Ymgyrchoedd Ymwybyddiaeth eraill yr oedd y Cyngor wedi bod yn ymwneud â'u hyrwyddo fel awdurdod lleol.

Cyfeiriodd at y gefnogaeth i ffoaduriaid o Syria yn ystod pedair blynedd olaf y CCS, ond nododd ei fod yn teimlo y dylid ymestyn hyn yn awr a'i gynnig i bob ffoadur.

Cadarnhaodd y Rheolwr Ymgynghori, Ymgysylltu a Chydraddoldeb ei bod yn cydnabod bod angen ystyried hyn.

O ran e-ddysgu gan gynnwys ar faterion pwysig fel codi Ymwybyddiaeth o Droseddau Casineb, ychwanegodd bod bwriad i gynyddu hyn ynghyd ag ehangu modiwlau e-ddysgu eraill ac i roi proffil uwch i e-ddysgu, fel bod staff yn cael eu hannog i gymryd rhan yn hyn, gyda'r farn tymor hwy yn bosibl, o gynnwys hyn yn rhan o adolygiadau perfformiad staff.

Ychwanegodd Aelod ei fod yn teimlo y dylai'r Cyngor eirioli Swyddogion Cymorth Cyntaf ym maes lles ac ymwybyddiaeth iechyd meddwl, yn enwedig yng ngoleuni'r argyfwng Covid, a oedd wedi rhoi llawer o bwysau ychwanegol ar weithwyr y Cyngor, yr oedd y pwysau hwn wedi effeithio'n andwyol ar rai ohonynt yn emosiynol.

Cadarnhaodd y Rheolwr Ymgynghori, Ymgysylltu a Chydraddoldeb y byddai'n trafod hyn gyda'r adran Adnoddau Dynol ac yn diweddaru'r Aelodau o'r canlyniad yn unol â hynny.

Cyfeiriodd Aelod at dudalen 103 o'r adroddiad a datblygu model SIMS ar gyfer Bwlio mewn Ysgolion, er ei fod wedi'i ddefnyddio'n fewnol, nid oedd ysgolion wedi'i orfodi. Holodd pam nad oedd y system wedi cael ei ddefnyddio yn ein hysgolion eto.

Dywedodd y Rheolwr Ymgynghori, Ymgysylltu a Chydraddoldeb y byddai'n cysylltu â'r Adran Addysg ac yn rhoi adborth i'r Aelod, y tu allan i'r cyfarfod.

PENDERFYNWYD:                               Bod y Pwyllgor Cabinet wedi derbyn, ystyried a nodi'r adroddiad a'i atodiad.