Adroddodd y Prif Swyddog Dros Dro – Cyllid, Perfformiad a Newid yn unol â gofyniad 'Rheoli’r Trysorlys yn y Gwasanaethau Cyhoeddus: Cod Ymarfer'

Sefydliad Siartredig Cyllid Cyhoeddus a Chyfrifyddiaeth

i lunio Adroddiadau Rheoli'r Trysorlys dros dro;Dangosyddion Rheoli y Trysorlys ar gyfer 2020-21 a rhoddodd y wybodaeth ddiweddaraf am y newidiadau arfaethedig i Strategaeth Rheoli'r Trysorlys 2020-21 i'w cymeradwyo. 

Esboniodd yPrif Swyddog Dros Dro – Cyllid, Perfformiad a Newid  mai rheoli’r Trysorlys yw rheoli llifau arian parod, benthyca a buddsoddiadau'r Cyngor, a'r risgiau cysylltiedig.  Mae rheoli risg y Trysorlys yn y Cyngor yn cael ei gynnal o fewn fframwaith Rheoli’r Trysorlys Sefydliad Siartredig Cyllid Cyhoeddus a Chyfrifyddiaeth (CIPFA) yn y Gwasanaethau Cyhoeddus: Cod Ymarfer Argraffiad 2017 (Cod CIPFA) sy'n ei gwneud yn ofynnol i'r Cyngor gymeradwyo Strategaeth Rheoli'r Trysorlys cyn dechrau pob blwyddyn ariannol. Mae Cod CIPFA hefyd yn mynnu bod y Cyngor yn pennu nifer o Ddangosyddion Rheoli'r Trysorlys, sy'n baramedrau blaengar ac yn galluogi'r Cyngor i fesur a rheoli ei amlygiad i risgiau rheoli'r trysorlys, ac mae'r rhain wedi'u cynnwys drwy gydol yr adroddiad hwn.  Yn ogystal, cyhoeddodd Llywodraeth Cymru Ganllawiau diwygiedig ar Fuddsoddiadau Awdurdodau Lleol ym mis Tachwedd 2019 sy'n ei gwneud yn ofynnol i'r Cyngor gymeradwyo Strategaeth Fuddsoddi cyn dechrau pob blwyddyn ariannol.  Mae Strategaeth Gyfalaf y Cyngor 2020-21, sy'n cydymffurfio â gofyniad CIPFA yn cynnwys y

Dangosyddion Darbodus a gynhwyswyd mewn blynyddoedd blaenorol yn y TMS, ynghyd â manylion am fuddsoddiadau'r Cyngor nad ydynt yn fuddsoddiadau trysorlys. Dylid darllen y Strategaeth Gyfalaf a'r TMS ar y cyd â'i gilydd gan eu bod wedi'u cydgysylltu gan fod cynlluniau cyfalaf yn effeithio'n uniongyrchol ar fenthyca a buddsoddiadau ac fe'u cymeradwywyd gyda'i gilydd gan y Cyngor ar 26 Chwefror 2020.

Dywedodd wrth y Cyngor mai Arlingclose, yn dilyn ymarfer ail-dendro diweddar ar gyfer cynghorwyr rheoli’r trysorlys y Cyngor, oedd y tendrwr llwyddiannus ac y bydd yn parhau i fod yn gynghorwyr y Cyngor am y pedair blynedd nesaf.

Adroddodd y Prif Swyddog Dros Dro - Cyllid, Perfformiad a Newid fod y Cyngor wedi cydymffurfio â'i ofynion deddfwriaethol a rheoliadol yn ystod hanner cyntaf 2020-21, gyda'r TMS ar gyfer 2020-21 yn cael ei adrodd i'r Cyngor ar 26 Chwefror 2020.  Yn ogystal, cyflwynwyd adroddiad monitro chwarterol i'r Cabinet ym mis Gorffennaf 2020.  Cyflwynodd grynodeb o weithgareddau rheoli'r trysorlys ar gyfer hanner cyntaf 2020-21 a dywedodd wrth y Pwyllgor nad oedd y Cyngor wedi ymgymryd â benthyca hirdymor ers mis Mawrth 2012 ac ni ddisgwylid y byddai angen unrhyw fenthyca hirdymor newydd yn 2020-21.  Roedd llifau arian ffafriol wedi darparu arian dros ben ar gyfer buddsoddi ac roedd balans y buddsoddiadau ar 30 Medi 2020 yn £64.29 miliwn gyda chyfradd llog gyfartalog o 0.24%.   

Dywedodd y Prif Swyddog Dros Dro - Cyllid, Perfformiad a Newid wrth y Cyngor fod Cod Rheoli'r Trysorlys yn ei gwneud yn ofynnol i'r Cyngor osod ac adrodd ar nifer o Ddangosyddion Rheoli'r Trysorlys, sydd naill ai'n crynhoi'r gweithgaredd disgwyliedig neu'n cyflwyno cyfyngiadau ar y gweithgaredd.  Mae'n ofynnol i bob awdurdod lleol gynnal adolygiad canol blwyddyn o'i bolisïau, arferion a gweithgareddau rheoli’r trysorlys ac mai canlyniad yr adolygiad yw bod angen newidiadau i derfynau buddsoddi, sef cynyddu'r cydbwysedd cyffredinol y gellir ei fuddsoddi mewn Cronfeydd Marchnad Arian (MMFs) o £20 miliwn i £30 miliwn, a fydd yn galluogi'r Cyngor i gynyddu nifer yr MMF sydd ar gael ac felly helpu'r Cyngor i fuddsoddi balansau arian parod cadarnhaol mewn portffolio buddsoddi llawer ehangach.  Yn ogystal, bydd diwygiad i'r terfyn buddsoddi ar gyfer Darparwyr Cofrestredig o £3 miliwn i £5 miliwn yn rhoi mwy o gyfle i allu defnyddio'r math hwn o fuddsoddiad nag sydd ar gael ar hyn o bryd.  Gan fod gan y Cyngor falansau arian parod cadarnhaol bydd hyn yn rhoi cyfle ehangach i'r Cyngor wneud buddsoddiadau ar lefel ymarferol a hefyd yn darparu mwy o

amrywiaeth o ran arian a fuddsoddwyd.  Amlinellodd y TMS diwygiedig arfaethedig a'r gwelliannau arfaethedig. Trafodwyd y gwelliannau hyn gyda Chynghorwyr Rheoli’r Trysorlys y Cyngor.

PENDERFYNWYD:           Bod y Cyngor wedi:

·         cymeradwyo gweithgareddau rheoli'r trysorlys y Cyngor’ ar gyfer 2020-21 ar gyfer y cyfnod rhwng 1 Ebrill 2020 a 30 Medi 2020

a Dangosyddion Rheoli'r Trysorlys rhagamcanol ar gyfer 2020-21.

cymeradwyo'r newidiadau arfaethedig i Strategaeth Rheoli'r Trysorlys 2020-21.