Cyflwynwyd adroddiad gan y Cyfarwyddwr Corfforaethol Cymunedau sy'n:

gofyn am gytundeb gan y Cabinet i gyflwyno adroddiad i'r Cyngor yn gofyn am gymeradwyaeth i gynnwys cyllideb gyfalaf o £3.4m yn y rhaglen gyfalaf ar gyfer Prosiect Rhwydwaith Gwres Tref Pen-y-bont ar Ogwr (Cam 1),

ceisio cymeradwyaeth i sefydlu Cerbyd Diben Arbennig (SPV) ar gyfer datblygu Prosiect Rhwydwaith Gwres Tref Pen-y-bont ar Ogwr yn seiliedig ar argymhellion yn yr adroddiad ar ffurf a strwythur y SPV a sut y caiff ei lywodraethu a'i reoli,

ceisio cymeradwyaeth y Cyngor i ddarparu benthyciad o £1.821m i'r Cerbyd Diben Arbennig i alluogi'r prosiect i symud ymlaen. Mae’r £1.821m yn rhan o'r gyllideb gyfalaf o £3.4m ar gyfer y prosiect, gyda gweddill y cyllid yn cael ei ddarparu gan grant Rhaglen Fuddsoddi Rhwydwaith Gwres (HNIP) (£1m), cyfraniad CBSP o'i Raglen Gyfalaf (£0.5m), taliadau cysylltu a rhannu cyfalaf (£0.068m).

Esboniodd mai rhai o'r Cynghorau eraill a oedd yn datblygu rhwydweithiau gwres drwy'r llwybr hwn oedd Barking a Dagenham, Bryste, Leads, Durham, Maidstone, ac, yng Nghymru, Caerdydd a Phen-y-bont ar Ogwr. Ychwanegodd fod cyflawni Prosiect Rhwydwaith Gwres Tref Pen-y-bont ar Ogwr yn seiliedig, yn y pen draw, ar y gost cyfalaf i'r prosiect fod yn fforddiadwy. Caiff hyn ei bennu gan ganlyniad yr ymarfer caffael presennol i gontractwr lunio'r cynllun.

Darparodd y Cyfarwyddwr Corfforaethol Cymunedau gefndir yn ymwneud â phrosiect y rhwydwaith gwres ac mae'r Cynghorau'n anelu at ddatgarboneiddio erbyn 2030. Roedd cefndir pellach yn adran 3 o'r adroddiad.

Eglurodd y Cyfarwyddwr Corfforaethol Cymunedau mai'r enw arfaethedig ar gyfer yr SPV yw Bridgend Heat & Power Ltd, a dywedodd fod yn rhaid ystyried pob un o'r ffactorau canlynol er mwyn sefydlu SPV:

Manteision a risgiau sefydlu SPV, er gwaethaf anghenraid yr HNIP

requirement.

• Ffurf yr endid sydd i'w sefydlu.
• Cyfansoddiad yr SPV.
• Y trefniadau ymarferol ar gyfer llywodraethu, rheoli a gweinyddu'r SPV.
• Y contractau sy'n ofynnol rhwng y Cyngor a'r SPV.

Dywedodd y Cyfarwyddwr Corfforaethol Cymunedau fod gan y Cyngor y p?er i sefydlu SPV a bod manylion hyn yn adran 4.3 o'r adroddiad. Ychwanegodd fod nifer o fanteision yn gysylltiedig â sefydlu SPV, tra hefyd yn cynnal risgiau posibl. Roedd risgiau a manteision sefydlu SPV yn adran 4.4 o'r adroddiad.

Tynnodd y Cyfarwyddwr Corfforaethol Cymunedau sylw at y pynciau canlynol yn unol â'r adroddiad:

• Gwrthrychau/nodau'r SPV
• Cyfansoddiad SPV
• Contractau gyda'r SPV
• Gwasanaethau Gweinyddol a Rheoli
• Llywodraethu a Goruchwylio SPV

Amlinellodd y Cyfarwyddwr Corfforaethol Cymunedau y goblygiadau ariannol a chyfeiriodd at gamgymeriad bach yn y ffigur yn Nhabl 1. Benthyciad CBSP i SPV oedd £1,821,267, fel y rhestrwyd yn Nhabl 2. Dywedodd mai cyfanswm cost y prosiect oedd £3.389m, ac roedd manylion y dadansoddiad yn Nhabl 1 a Thabl 2 yr adroddiad.

Croesawodd yr Aelod Cabinet dros Gymunedau yr adroddiad a dywedodd fod angen y SPV i roi hwb cychwynnol i gam 1 y prosiect a galluogi buddsoddiad yn y dyfodol i Rwydwaith Gwres Pen-y-bont ar Ogwr i fod yn haws ac yn symlach. Ychwanegodd fod y Cyngor yn edrych i arwain drwy esiampl a deall yr ymrwymiadau o dan agenda datgarboneiddio 2030.

Adleisiodd yr Arweinydd sylwadau'r Aelod Cabinet a dywedodd fod y prosiect hwn yn amser hir yn y broses o'i wneud gan ei fod yn brosiect cymhleth ac arloesol a'i fod yn falch o fod yr Awdurdod Lleol cyntaf yng Nghymru i ymgymryd â'r math hwn o fenter. Gofynnodd yr Arweinydd am gadarnhad bod y cyllid a sicrhawyd gan Lywodraeth y DU yn seiliedig arnom yn creu SPV, ac os na fyddai'r prosiect yn mynd yn ei flaen, byddai'n effeithio ar gynnydd y Cyngor o ran lleihau'r ôl troed carbon.

Cadarnhaodd y Cyfarwyddwr Corfforaethol Cymunedau fod Rhaglen Fuddsoddi'r Rhwydwaith Gwres (HNIP) yn seiliedig arnom i sefydlu SPV i ddarparu'r rhwydwaith hwn. Roedd y cyllid yn un o nifer o amodau ar gyfer y grant ac roedd pob Awdurdod Lleol, fel y soniwyd eisoes, wedi gwneud yr un peth. Pwysleisiodd fod yn rhaid defnyddio'r cyllid a gynigir at y diben hwn, a phe nad ydym yn manteisio arno, byddai'r cyllid yn mynd at sefydliad arall a wnaeth gais amdano.

Croesawodd yr Aelod Cabinet dros Les a Chenedlaethau'r Dyfodol yr adroddiad gan ddweud ei fod yn adroddiad diddorol gyda lefel uchel o fanylder, gan gynnwys y risgiau a sut y bydd y Cyngor yn lliniaru'r risgiau hyn. Roedd hi'n falch o weld bod adolygiad blynyddol o'r costau ar waith gan nad oedd yn anghyffredin i gostau gronni neu gynyddu dros amser. Ychwanegodd ei bod yn braf gweld telerau'r benthyciad yn gadarnhaol, a bod benthyciadau yn y gorffennol yn aml wedi creu baich ar genedlaethau'r dyfodol gyda llog pen trwm yn cael ei roi arnynt.

PENDERFYNWYD:Bod y Cabinet wedi:

1.    Cymeradwyo adroddiad sy'n cael ei gyflwyno i'r Cyngor ar 10 Mawrth 2021 i ddiwygio Rhaglen Gyfalaf 2021-2022 ar gyfer cynnwys y cynllun hwn yn y Rhaglen Gyfalaf, gan nodi bod £500,000 eisoes wedi'i gynnwys yn y Rhaglen Gyfalaf tuag at y cynllun;

2.    Yn amodol ar gymeradwyaeth y Cyngor i gynnwys y cynllun hwn yn y Rhaglen Gyfalaf a benthyca ar gyfer Prosiect DHN Tref Pen-y-bont ar Ogwr, argymhellodd y Cabinet:

i.              Fod y Cyngor yn darparu benthyciad i'r SPV ar y telerau a nodir yn yr adroddiad hwn at ddibenion Prosiect DHN Tref Pen-y-bont ar Ogwr ac yn dirprwyo awdurdod i’r Prif Weithredwr gytuno ar delerau terfynol y Cytundeb Benthyca a'u cymeradwyo a threfnu i'r Cytundeb Benthyca gael ei weithredu ar ran y Cyngor ar yr amod bod pwerau o'r fath yn cael eu harfer mewn ymgynghoriad â'r Prif Swyddog - Gwasanaethau Cyfreithiol, Adnoddau Dynol a Rheoleiddiol a'r Prif Swyddog Dros Dro Cyllid, Perfformiad a Newid.

ii.            Cymeradwyo ffurfio Cerbyd Diben Arbennig fel Cwmni Cyfyngedig drwy gyfranddaliadau fel y nodir yn yr adroddiad hwn ("y Cwmni");

iii.           Cymeradwyo'r defnydd o 'Bridgend Heat & Power Ltd' fel enw'r Cwmni;

iv.           Cymeradwyo penodiad y Cyfarwyddwr Corfforaethol - Cymunedau, Pennaeth Gweithrediadau Gwasanaethau Cymunedol a Phennaeth Gwasanaethau Partneriaeth fel Cyfarwyddwyr y Cwmni er mwyn cynrychioli buddiannau'r Cyngor;

v.            Awdurdod dirprwyedig i'r Prif Swyddog - Gwasanaethau Cyfreithiol, Adnoddau Dynol a Rheoleiddiol i ymrwymo i'r canlynol ac unrhyw gytundebau cysylltiedig eraill i alluogi'r Cwmni i gael ei sefydlu:

- Erthyglau Cymdeithasu

- Cytundeb Cyfranddalwyr

- Cytundeb Gwasanaethau Rheoli

vi.           Cymeradwyo gweithredu'r mesurau llywodraethu a goruchwylio a nodir yn yr adroddiad;

Cymeradwywyd ymrwymo i Gytundeb Gwasanaethau Rheoli gyda'r Cwmni am ffi flynyddol / fisol benodedig, a ariennir gan y Cwmni a'r awdurdod dirprwyedig i'r Prif Weithredwr a'r Prif Swyddog Dros Dro – Cyllid, Perfformiad a Newid, i gwblhau'r ffi reoli a chytuno ar delerau'r Cytundeb Gwasanaethau Rheoli mewn ymgynghoriad â'r Prif Swyddog - Gwasanaethau Cyfreithiol, Adnoddau Dynol a Rheoleiddiol.