Gwahoddwyr:

Cynghorydd Jane Gebbie – Dirprwy Arweinydd y Cyngor ac Aelod Cabinet - Gwasanaethau Cymdeithasol a Chymorth Cynnar

Claire Marchant - Cyfarwyddwr Corfforaethol - Gwasanaethau Cymdeithasol a Lles

Jacqueline Davies - Pennaeth Gofal Cymdeithasol i Oedolion

Carmel Donovan - Rheolwr Integredig Gwasanaethau Cymunedol (Pen Y Bont ar Ogwr)

Michelle King - Rheolwr Integredig Gwasanaethau Cymunedol- CRT (Ardal bont ar Ogwr)

Vicki Wallace - Dirprwy Gyfarwyddwr Cynllunio a Phartneriaethau - Cwm Taf Morgannwg

Cyflwynodd Pennaeth Gofal Cymdeithasol i Oedolion yr adroddiad a diben hwn oedd esbonio’r pwysau oedd yn cael ei brofi ar y gwasanaeth ym maes Gofal Cymdeithasol i Oedolion, disgrifio'r camau lliniaru yr oedd y gwasanaeth yn eu cymryd a'r gwaith ar draws Iechyd a Gofal Cymdeithasol i reoli'r sefyllfa gyffredinol, gan ganolbwyntio. ar y gwasanaethau Gofal a Chymorth yn y Cartref, a'r gwasanaeth gwaith cymdeithasol.

Diolchodd y Cadeirydd i Bennaeth Gofal Cymdeithasol i Oedolion a bu’r Aelodau’n trafod y canlynol:

·         Y rhaglenni adsefydlu sengl ac amlddisgyblaethol sy’n canolbwyntio ar nodau a ddefnyddir mewn gwasanaethau ymyrraeth tymor byr gan ganolbwyntio ar ddarparu gwasanaethau yn y cartref.

·         Nifer ac oedran cyfartalog y bobl sy'n disgwyl am becynnau gofal gartref ac yn yr ysbyty, y ffactorau sy'n effeithio ar yr amseroedd aros amrywiol am becyn gofal a chymorth.

·         Rheolaeth weithredol ar restrau aros, gan gynnwys galwadau ffôn rheolaidd, ymweliadau gwaith cymdeithasol, ail asesiadau a therapïau.

·         Effaith y pandemig ar iechyd corfforol a meddyliol pobl, y cyllid adfer sylweddol a dderbyniwyd i gynorthwyo i ailadeiladu gallu a phwysigrwydd gwasanaethau ataliol.

·         Proffil oedran gweithwyr gofal ac annog unigolion i ddilyn cyrsiau gwaith cymdeithasol TGAU a Safon Uwch er mwyn denu pobl iau a chodi ymwybyddiaeth o fanteision gwaith cymdeithasol.

·         Y cynnydd yn yr achosion o ddementia, a oes angen pecynnau gofal mwy cymhleth ar gleifion dementia a chanolbwyntio ar fyw yn dda gyda dementia yn y cartref ac mewn cymuned gefnogol a chyfeillgar i ddementia.

·         Cost gofal yn yr uned ddementia newydd yng Ngharchar y Parc, menter gan y Bwrdd Iechyd.   

·         Lefel y gefnogaeth a gynigir gan ddarpariaeth annibynnol, yr angen i ail-gydbwyso'r farchnad mewn perthynas â darparwyr annibynnol a chymorth mewnol ac y dylai gweithwyr gael eu talu am yr holl oriau a weithiwyd, gan gynnwys yr amser rhwng galwadau.

·         Yr angen am lefel broffesiynol o gyflog, telerau ac amodau, gan dynnu sylw at y farchnad gystadleuol mewn sectorau heb eu rheoleiddio sy'n cynnig cyflogau uwch.

·         Telerau ac amodau GIG deniadol ar gyfer rhai bandiau swyddi a threfniadau sy’n galluogi staff gofal cartref i gael eu cyflogi o dan delerau ac amodau’r GIG a gweithio i’r Awdurdod Lleol o dan lywodraethiant y Cyngor.

·         Cefnogaeth i staff gofal gan gynnwys cymorth i gynnal a chadw car, tocynnau Cludiant cyhoeddus a chyllid diweddar a gafwyd i gefnogi staff sy'n dymuno cael gwersi gyrru. 

·         Rhesymau pam mae Gweithwyr Cymdeithasol yn gadael yr Awdurdod gan gynnwys ymddeoliad, y farchnad gystadleuol ar gyfer Gweithwyr Cymdeithasol cofrestredig ar hyd coridor yr M4 a'r argyfwng costau byw.

·         Cynhelir cyfweliadau ymadael fel mater o drefn yng Ngwasanaethau Cymdeithasol Plant ond nid ydynt wedi cael eu gweithredu’n llawn eto yn y Gwasanaethau Cymdeithasol i Oedolion.

·         20 diwrnod o amser ar gyfartaledd i ddyrannu achosion gwaith cymdeithasol a rheolaeth weithredol ar achosion heb eu dyrannu.

·         Nifer y Lefel DU/Camau Parhad Busnes sy'n cael eu galw a chydnabyddiaeth ei fod wedi dod yn fwy aml yn ystod y 3 mis diwethaf. 

Dywedodd y Cadeirydd nad oedd unrhyw gwestiynau pellach i'r Gwahoddedigion, diolchodd i'r Gwahoddedigion am fod yn bresennol a dywedodd, os nad oedd eu hangen ar gyfer yr Eitem nesaf, eu bod yn rhydd i adael y cyfarfod.

PENDERFYNWYD: Yn dilyn ystyriaeth a thrafodaethau manwl gyda’r Swyddogion ac Aelodau’r Cabinet, gwnaeth y Pwyllgor yr Argymhellion a ganlyn:

1. Ystyried a oes hysbysebu/ymwybyddiaeth ddigonol o'r buddion sydd ar gael i gefnogi staff gofal gyda'u tanwydd neu gostau teithio eraill, a achosir yn ystod eu sifftiau, a'r cyllid a gafwyd yn ddiweddar i gefnogi staff sy'n dymuno cael gwersi gyrru.

2. Ar ôl clywed bod cyfweliadau ymadael yn cael eu cynnal fel mater o drefn ym maes Gofal Cymdeithasol i Blant, dylid ystyried sut y gellir cynnal hyn hefyd ym maes Gofal Cymdeithasol i Oedolion, cyn gynted â phosibl, er mwyn casglu’r data a’r rhesymau pam mae staff a gweithwyr cymdeithasol yn benodol, yn gadael yr awdurdod lleol.

3. Ar ôl clywed bod y Bwrdd Iechyd wedi bod yn recriwtio staff i ofal cartref o dan Delerau ac Amodau mwy ffafriol y GIG, a bod y staff hynny wedyn yn gweithio i’r awdurdod lleol o dan drefniant Adran 33, argymhellodd y Pwyllgor y dylid ystyried sut y gellid cael ail-gydbwyso telerau ac amodau staff fel bod cael eu cyflogi'n uniongyrchol gan yr Awdurdod Lleol yn deg.

a gofynnodd y Pwyllgor am y canlynol:

4. Copi o’r ymateb i lythyr y Cabinet at Weinidog Llywodraeth Cymru yngl?n â chost a threfniadau ariannu staff gofal yng Ngharchar y Parc, pan ddeuai i law.
   
   

Nifer yr achlysuron y galwyd lefel DU/Cam Parhad Busnes yn Ysbyty Tywysoges Cymru yn ystod y 3, 6 a 12 mis diwethaf.