Cwestiwn i’r Aelod Cabinet Member dros Cymunedau wrth Cynghorydd Altaf Hussain
A wnaiff Aelod y Cabinet roi gwybod i'r Cyngor a yw gwasanaeth croesfan ysgol yn cael ei ddiddymu?
Cwestiwn i’r Arweinydd wrth Cynghorydd Tom Giffard
Ar 1 Tachwedd, dywedodd GEM Pen-y-bont ar Ogwr bod Aelod Cabinet CBSC dros Addysg ac Adfywio wedi dweud y byddai 'dirwasgiad enfawr, diweithdra, prinder a hilwyddiad rhyngwladol' yn 'beth da' yn y pen draw pe byddai'n golygu bod Prydain wedi aros o fewn yr UE.
A allai'r Arweinydd esbonio sefyllfa'r Cabinet ynghylch y sylwadau hyn, a chadarnhau a ydyn nhw yn ganlyniad dewisol y cyngor ai peidio?
Cofnodion:
Cwestiynau i Aelod y Cabinet dros Gymunedau gan y Cynghorydd A Hussain
A wnaiff Aelod y Cabinet roi gwybod i'r Cyngor a yw’r gwasanaeth croesfannau ysgol yn cael ei ddiddymu?
Ymateb Aelod y Cabinet dros Gymunedau:
Nid oes cynlluniau i ddiddymu'r gwasanaeth Hebryngwyr Croesfannau Ysgol yn gyfan gwbl. Byddai arbediad yr MTFS a gynigiwyd sy’n cael ei ystyried ar hyn o bryd yn deillio o adolygiad o safleoedd Hebryngwyr Croesfannau Ysgol yn unol â'r safonau a gydnabyddir yn genedlaethol. Sicrhau bod y lleoedd hynny sydd â’r nifer fwyaf o gerddwyr a symudiadau cerbydau yn cael eu cynnal, gan roi’r gorau i'r gwasanaeth o bosibl mewn safleoedd tawelach sydd â lefelau risg is. Mae hefyd yn bwysig amlygu mai’r rhieni neu warcheidwaid sy’n bennaf gyfrifol am sicrhau bod eu plant yn cyrraedd yr ysgol yn ddiogel.
Roedd y Cynghorydd Hussain yn edrych ymlaen at adroddiad yr adolygwr ac yn gobeithio y bydd Ysgol Pen y Fai ymysg yr ysgolion lle bydd y gwasanaethau'n cael eu cynnal a gofynnodd gwestiwn ychwanegol ynghylch yr ysgolion hynny lle mae'r gwasanaeth yn cael ei ddiddymu, a wnaiff Aelod y Cabinet roi gwybod sut y bwriedir gwneud croesfannau ysgol yn ddiogel i rieni a phlant eu croesi? Gwnaeth Aelod y Cabinet dros Gymunedau roi gwybod i'r Cyngor fod proses sgorio ar waith er mwyn adolygu Hebryngwyr Croesfannau Ysgol, sy’n dibynnu ar y math o heol, nifer y cyffyrdd a nifer y bobl. Dywedodd fod y meini prawf o ran nifer y bobl wedi newid ac nad oedd bellach yn ystyried nifer yr oedolion sy'n defnyddio heol benodol. Rhoddodd wybod i'r Cyngor nad oedd yr awdurdod wedi mabwysiadu'r meini prawf newydd ond yn glynu at God 2012.
Gwnaeth aelod o'r Cyngor gwestiynu sut gall yr awdurdod geisio lleihau nifer y rhieni sy’n gyrru eu plant i'r ysgol. Rhoddodd Aelod y Cabinet dros Gymunedau wybod i'r Cyngor fod llwybrau Teithio Llesol yn eu lle ac roedd o’r farn y bydd rhieni sy'n mynd â'u plant i'r ysgol ar droed yn parhau i wneud hynny. Dywedodd fod gan y Cyngor gyfrifoldeb i greu llwybrau diogel i'r ysgol. Hysbysodd y Cyngor am yr anawsterau yn recriwtio hebryngwyr croesfannau ysgol.
Cwestiwn i'r Arweinydd gan y Cynghorydd T Giffard
Ar 1 Tachwedd, gwnaeth GEM Pen-y-bont ar Ogwr adrodd bod Aelod Cabinet Cyngor Bwrdeistref Sirol Pen-y-bont ar Ogwr dros Addysg ac Adfywio wedi dweud y byddai 'dirwasgiad enfawr, diweithdra, prinderau a chywilydd rhyngwladol' yn 'beth da' yn yr hirdymor petai'n golygu bod Prydain yn aros o fewn yr UE.
A wnaiff yr Arweinydd esbonio sefyllfa'r Cabinet ynghylch y sylwadau hyn, a chadarnhau ai dyma ganlyniad dewisol y Cyngor ai peidio?
Ymateb yr Arweinydd:
Roedd sylwadau'r Cynghorydd Smith yn fwriadol eironig. Gwnaeth y postiad ar Facebook wedyn gyfeirio ato'n cael ei "arestio am annog gwrthryfel a meddu ar feddyliau anwlatgar", ac yn amlwg, ni fydd hynny'n digwydd!
Wedi iddo sylweddoli bod ei sylwadau wedi'u camddehongli, cafodd wared arnyn nhw oddi ar Facebook. Mae’r rhain yn sylwadau na fyddwn i wedi'u gwneud ac rwyf wedi siarad â’r Cynghorydd Smith ac mae ef wedi ymddiheuro.
Yn ystod y cyfnod hwn o ansicrwydd nas gwelwyd erioed o’r blaen, mae holl Aelodau'r Cabinet yn glir ein bod yn dymuno y bydd unrhyw effaith negyddol ar gymunedau Bwrdeistref Sirol Pen-y-bont ar Ogwr, Cymru a'r Deyrnas Unedig yn cael ei lleihau cymaint â phosibl. Rwy'n si?r bod hon yn farn a rennir gan yr holl Aelodau.
Wrth ddiolch i'r Arweinydd am ei ymateb, roedd y Cynghorydd Giffard yn gobeithio y byddai'r Arweinydd yn parhau i weithio ar draws pob lefel o'r Llywodraeth a phartïon.
Gofynnodd aelod o'r Cyngor sut mae'r Cyngor yn paratoi ar gyfer Brexit. Datganodd yr Arweinydd fod cyfarfod wedi'i gynnal gyda swyddogion y Swyddfa Gartref lle y trafodwyd prinder meddyginiaeth a chyflenwadau bwyd. Dywedodd y derbyniwyd cyngor gan y Swyddfa Gartref yn hwyr yn y broses ond y byddai’r Cyngor yn sicrhau y bydd mor barod ag y gall fod pan fydd y DU yn gadael yr Undeb Ewropeaidd. Dywedodd Aelod y Cabinet dros Gymunedau wrth y Cyngor fod Gr?p Brexit wedi'i sefydlu a oedd yn edrych ar y risgiau yn sgil gadael yr Undeb Ewropeaidd.