Gofynnodd y Pennaeth Gweithrediadau - Gwasanaethau Cymunedol am ganiatâd i weithredu argymhellion y Gr?p Gorchwyl a Gorffen Trosglwyddo Asedau Cymunedol (CAT) sydd wedi eu dylunio i sicrhau gall trosglwyddiadau asedau Blaenoriaeth 1 CAR eu symud ymlaen yn fwy effeithlon ac effeithiol a hefyd i gymeradwyo’r newidiadau cysylltiedig i'r polisi Trosglwyddo Asedau Cymunedol; a'r rhestr o Asedau Blaenoriaeth 1 CAT sydd ar fael ar gyfer prydles hir dymor neu gytundeb rheoli tymor byr.

Hysbysodd y Pennaeth Gweithrediadau - Gwasanaethau Cymunedol y Cabinet bod trosglwyddo asedau cymunedol yn draddodiadol wedi eu gwneud yn unol â Chynllun Rheoli Asedau 2021: Roedd Dogfen Gyfarwyddyd Trosglwyddo Asedau Cymunedol a 3 blaenoriaeth wedi'u pennu.  Cyhoeddodd y Cyngor yn 2015, ganllaw wedi ei ddiweddaru ar Drosglwyddo Asedau Cymunedol, yn seiliedig ar y Canllaw Arferion Gorau wedi'i gyhoeddi gan Lywodraeth Cymru, sy'n sefydlu rolau a chyfrifoldebau clir ar gyfer proses pedwar cam.  Mae gan Gr?p Llywio Trosglwyddiadau Asedau Cymunedol gyfrifoldeb ar gyfer cymeradwyo datganiadau o ddiddordebau, achosion busnes, cymorth a chyllid drwy sicrhau bod unrhyw drosglwyddo ased cymunedol arfaethedig yn bodloni blaenoriaethau strategol, gofynion gweithredol a chyfeiriad dyfodol y Cyngor.  Mae cymeradwyo i gael gwared ag asedau'r Cyngor, gan gynnwys trosglwyddiadau asedau cymunedol wedi ei ddirprwyo i'r Rheolwr Buddsoddi a Rheoli Asedau Strategol, gyda'r Cyfarwyddwr Corfforaethol - Cymunedau yn ymgymryd â chymeradwyo materion mwy cymhleth a chynhennus, neu maent yn cael eu hadrodd i'r Cabinet i'w cymeradwyo.  Hyd yn hyn, dyrannwyd cyllid i dri phrosiect o Gronfa'r CAT. 

Adroddodd y Pennaeth Gweithrediadau - Gwasanaethau Cymunedol bod Gr?p Gorchwyl a Gorffen CAT sydd wedi ei sefydlu wedi ystyried dulliau sydd wedi eu mabwysiadu gan awdurdodau lleol eraill i drosglwyddo cymunedol, yn benodol y dulliau Cynghorau Sir Gâr a Chastell-nedd Port Talbot.  Argymhellodd y Gr?p Gorchwyl a Gorffen bod y flaenoriaeth o asedau ar gyfer trosglwyddo ased cymunedol yn cael ei fireinio fel bod arbedion o dan y MTFS yn cael eu blaenoriaethu'n gywir.  Mae newidiadau hefyd wedi eu hargymell i'r Polisi trosglwyddo ased Cymunedol i ystyried y newidiadau canlynol y mae'r Gr?p Gorchwyl a Gorffen yn eu hargymell:

• Blaenoriaethau Ased CAT diwygiedig.
• Mabwysiadu dull sy'n seiliedig ar risg ar gyfer asesu asedau a grwpiau cymunedol;
• Cyflwyno "llwybr cyflym" ceisiadau CAT;
• Mwy o bwyslais ar Asesiad Diagnostig Busnes yn cael ei neud ar bob gr?p cymunedol;
• Llai o ofyniad ar gyfer cynlluniau busnes manwl fel gofyniad gorfodol ar gyfer grwpiau cymunedol ac asedau a ystyrir yn addas ar gyfer "llwybr cyflym".

Bu i’r Pennaeth Gweithrediadau - Gwasanaethau Cymunedol grynhoi argymhellion y Gr?p Gorchwyl a Gorffen.

·       Dylai rhestr o Asedau sydd ar gael ar gyfer trosglwyddo ased cymunedol gael ei gynnal a'i adolygu a'i ddiweddaru'n rheolaidd;

·       Dylai data ased (cydymffurfiaeth, arolygu cyflwr a chostau gweithredu) gael eu cyhoeddi i'r grwpiau cymunedol mor fuan â phosibl;

·       Dylai modelau o Benawdau Telerau a thempled o Brydlesi ar gyfer grwpiau ased penodol eu defnyddio pryd bynnag fo'n bosibl gyda dull mabwysiedig o "Cymerwch o neu beidio";

·       Dylai cyflwyno rhagamcanion incwm a gwariant am gyfnod o 5 mlynedd o leiaf fod yn ddigonol ar gyfer y rhan fwyaf o drosglwyddiadau asedau cymunedol ond dylid gofyn am gynlluniau busnes manwl ar gyfer prosiectau cymhleth o hyd;

·       Dylai dull seiliedig ar risg ei fabwysiadu ar gyfer yr Asesiad Diagnostig Busnes sy'n cael eu gwneud ar grwpiau gymunedau a'r asedau sy'n cael eu trosglwyddo;

·       Dylai fod ceisiadau T&CCau a grwpiau cymunedol sefydledig yn cael eu rhoi ar lwybr cyflym yn enwedig pan fo'r ased sy'n cael ei drosglwyddo mewn amod cydymffurfio.  Bydd y dull sy'n seiliedig ar risg yn galluogi matrics risg i'w gael ei gynhyrchu a nodi addasrwydd ar gyfer llwybr cyflym.

·       Bydd y dull sy'n seiliedig ar risg hefyd yn sicrhau ni fydd disgwyl i'r rhan helaeth o grwpiau cymunedol gynhyrchu achos busnes manwl llawn.

·       Mae angen gwerthuso adnoddau staff sydd eu hangen i symud ymlaen gyda throsglwyddiadau asedau cymunedol fel bod terfynau amser cytunedig yn cael eu bodloni a dull "tîm" yn cael e fabwysiadu.

Wrth gymeradwyo'r cynigion, dywedodd yr Aelod Cabinet dros Gymunedau mai'r catalydd ar gyfer newidiadau i'r broses yw bod gofynion presennol y Cyngor yn rhy anhyblyg a bod angen dull llwybr cyflym newydd er mwyn hwyluso mathau penodol o drosglwyddiadau.  Dywedodd bod y trosglwyddiad diweddar o Gaeau Chwarae Bryncethin i Fryncethin RFC ar gyfer y datblygiad o ganolfan gymunedol wedi cymryd peth amser i gael ei wireddu.  Roedd yn credu bod y cynnig yn cynnwys diogelwch integredig i'r awdurdod ac i'r sefydliad a oedd yn ceisio'r trosglwyddiad a bod cytundebau llywodraethu da wedi'u gosod.  Dywedodd yr Aelod Cabinet dros Ofal Cymdeithasol a Chymorth Cynnar ei fod wedi mynychu agoriad diweddar y Ganolfan Gymunedol ym Mryncethin, ac roedd yr aelodau yn ddiolchgar iawn o ran y Cyngor yn y broses drosglwyddo. 

Roedd yr Arweinydd yn falch o weld argymhellion y broses Craffu a Throsolwg yn cael eu hadlewyrchu yn y cynigion a'r dull llwybr cyflym ar gyfer partneriaid dibynadwy. 

Gofynnodd yr Aelod Cabinet dros Lesiant a Chenedlaethau'r Dyfodol a fyddai'r swyddogion yn ystyried dull ar gyfer trosglwyddo ased o flaenoriaeth 2 neu 3.  Dywedodd y Pennaeth Gweithrediadau - Gwasanaethau Cymunedol bydd swyddogion yn ystyried dull felly ond bydd pryderon ynghylch clymu amser ac adnoddau swyddog, yn enwedig os fydd y mater yn gymhleth ac ond ychydig o adenillion i'r Cyngor. 

PENDERFYNWYD:             Y Cabinet:

(1)        Cymeradwyo argymhellion y Gr?p Gorchwyl a Gorffen CAT;

(2)        Cymeradwyo'r ddogfen Polisi Trosglwyddo Asedau Cymunedol diwygiedig;

Cymeradwyo'r rhestr o Asedau Blaenoriaeth 1 CAT sydd ar gael i drosglwyddo o dan brydles hir dymor, cytundeb rheoli tymor byr neu drwydded.