Derbyn datganiadau o ddiddordeb personol a rhagfarnol (os o gwbl) gan Aelodau / Swyddogion yn unol â darpariaethau'r Cod Ymddygiad Aelodau a fabwysiadwyd gan y Cyngor o 1 Medi 2008.

Dim

I dderbyn am gymeradwyaeth y Cofnodion cyfarfod y 25/09/2019 a 07/11/2019

PENDERFYNWYD: Bod cofnodion y cyfarfod a gynhaliwyd ar 25/09/2019 yn cael eu cymeradwyo fel cofnod cywir a bod cofnodion y cyfarfod a gynhaliwyd ar 07/11/2019 yn cael eu cymeradwyo yn amodol ar gael gwared ar y frawddeg yn eitem 3, paragraff 9 ar yr agenda "Dywedodd yr Aelod Cabinet dros Lesiant a Chenedlaethau'r Dyfodol”.

Gwahoddedigion

Mark Shephard, Prif Weithredwr

Kelly Watson - Prif Swyddog – Gwasanaethau Cyfreithiol, Adnoddau Dynol a Rheoleiddio

Martin Morgans - Pennaeth Gwasanaeth - Perfformiad a Gwasanaethau Partneriaeth

Cynghorydd Huw David – Arweinydd

Cynghorydd Hywel Williams, Dirprwy Arweinydd

Cynghorydd Dhanisha Patel, Aelod Cabinet Cenedlaethau'r Dyfodol a Lles

Gill Lewis – Pennaeth Cyllid dros dro

Christopher Morris, Rheolwr Cyllid - Rheoli Cyllidebau: Gwasanaethau cymdeithasol a Lles / Cyfarwyddiaeth y Prif Weithredwr

Cyflwynodd y Pennaeth Cyllid Dros Dro adroddiad i'r Pwyllgor gyda'r Strategaeth Ariannol Tymor Canolig drafft 2020-21 i 2023-24, a oedd yn nodi blaenoriaethau gwario'r Cyngor, amcanion buddsoddi allweddol a meysydd cyllideb a dargedwyd ar gyfer arbedion angenrheidiol. Roedd y strategaeth yn cynnwys rhagolwg ariannol ar gyfer 2020-2024 a chyllideb refeniw ddrafft fanwl ar gyfer 2020-21.

Darparodd y Cynllun Corfforaethol-Cyd-destun Polisi a Naratif y Gyllideb fel y nodir yn adran 3 o'r adroddiad.

Darparodd y Pennaeth Cyllid Dros Dro’r Trosolwg Ariannol Corfforaethol a oedd yn dangos bod y Cyngor wedi gwneud gostyngiadau o £68 miliwn yn y gyllideb yn ystod y 10 mlynedd diwethaf. Mae’r graff a 3.3.2 yr adroddiad yn gynrychiolaeth weledol o’r gostyngiadau o flwyddyn i flwyddyn.

Eglurodd y Pennaeth Cyllid Dros Dro fod y setliad yn well na'r disgwyl, a'i fod yn 4.7%, sy'n gynnydd o £8.878 miliwn. Dywedodd, fodd bynnag, y byddai hyn yn cael ei daro gan y dyfarniad cyflog athrawon.

Rhoddodd y Pennaeth Cyllid Dros Dro fanylion Perfformiad Ariannol y flwyddyn gyfredol (2019-20). Roedd Tabl 1 yr adroddiad yn cymharu'r gyllideb yn erbyn yr alldro rhagamcanol ar 30 Medi 2019.

Dywedodd mai’r sefyllfa gyffredinol a ragwelwyd ar 30 Medi 2019 oedd tanwariant net o £575,000, gan gynnwys £659,000 o orwariant net ar gyfarwyddiaethau a £4.808 miliwn o danwariant ar gyllidebau corfforaethol, wedi'i wrthbwyso gan ddyraniadau net o gronfeydd wrth gefn a glustnodwyd o £3.574 miliwn.

Eglurodd y Pennaeth Cyllid Dros Dro fod Tabl 2 yr adroddiad yn dangos y cynigion MTFS sy'n cael eu cefnogi gan Gronfa Hapddigwyddiad ar gyfer Lleihau Cyllideb MTFS yn 2019-2020. Byddai lefel yr adolygiad hwn yn cael ei adolygu'n rheolaidd gan y swyddog yn Adran 151 yng ngoleuni'r anawsterau a ragwelwyd wrth gyflawni cynigion penodol i leihau'r gyllideb yn y dyfodol.

Eglurodd y Pennaeth Cyllid Dros Dro fod Tabl 3 yr adroddiad yn dangos y newid canrannol yn AEF o ran Senarios MTFS. Roedd Tabl 4 yn dangos gofyniad posibl y cynghorau i leihau'r gyllideb net ar sail yr amlen adnoddau a ragwelwyd, rhagdybiaethau gwariant anorfod a chynnydd tybiedig yn y Dreth Gyngor.

Eglurodd y Pennaeth Cyllid Dros Dro fod Tabl 5 yr adroddiad yn amlinellu'r sefyllfa bresennol o ran mynd i'r afael â'r gofyniad mwyaf tebygol o ran lleihau'r gyllideb, sef £39,332 miliwn. Dywedodd fod yn dal angen i'r Cyngor ddatblygu cynigion gwerth £21.1 miliwn a bod ystod o ddewisiadau yn cael eu hystyried, gan gynnwys:

• Trawsnewid gwasanaethau ehangach y Cyngor yn ddigidol
• Cyfleoedd i gynhyrchu incwm
• Mwy o ostyngiadau yn nifer y cyflogeion
• Gweithio gyda phartneriaid i drosglwyddo asedau a diogelu cyfleusterau cymunedol
• Gweithredu'r Model Landlord Corfforaethol ymhellach.

Eglurodd y Pennaeth Cyllid Dros Dro fod Tabl 6 yn dangos y cynigion ar gyfer lleihau'r gyllideb a'u categoreiddio, gyda bron i ddwy ran o dair o'r arbedion arfaethedig yn deillio o ddefnyddio adnoddau'n ddoethach. Roedd Tabl 8 yn dangos Cyllideb Refeniw Ddrafft 2020-21 a dadansoddiad o gyllidebau'r gyfarwyddiaeth Gwasanaethau.

Eglurodd y Pennaeth Cyllid Dros Dro’r manylion am gyflogau, prisiau a demograffeg. Dywedodd fod corff trafod y Cyngor Uno Cenedlaethol  ...  Gweld y cofnodion lawn ar gyfer eitem 150.

Gwahoddedigion

Gill Lewis – Pennaeth Cyllid dros dro

Cyflwynodd y Pennaeth Cyllid Dros Dro adroddiad a oedd yn rhoi gwybod i'r Pwyllgor am y digwyddiadau a'r digwyddiadau a fu bron â digwydd y rhoddwyd gwybod amdanynt i’r Swyddog Yswiriant a Risg eu hystyried yn ystod blwyddyn galendr 2019.

Nododd y cefndir a beth oedd yn cael ei ystyried fel diffiniad ar gyfer Digwyddiad a Digwyddiad a fu bron â digwydd fel y rhestrir yn adran 3 yr adroddiad.

Dywedodd fod y weithdrefn adrodd wedi'i chyflwyno yn dilyn adroddiad i'r Pwyllgor Archwilio ar 17 Ionawr 2019, ac roedd copi o'r polisi ynghlwm yn Atodiad A yr adroddiad.

Dywedodd y Pennaeth Cyllid Dros Dro fod tri ‘digwyddiad a digwyddiad a fu bron â digwydd’ wedi cael eu cofnodi ers Ionawr 2019, a bod dau ohonynt yn cael eu hystyried yn 'wyrdd' ac un yn cael ei ystyried yn 'oren'. Mae Atodiad B yn nodi manylion y digwyddiadau hyn.

Dywedodd fod y weithdrefn ar gyfer digwyddiadau a digwyddiadau a fu bron â digwydd yn cael ei nodi mewn neges e-bost Bridgenders yn gynharach yn y flwyddyn, gyda hyperddolen i'r weithdrefn. Tybiwyd y byddai'r Uwch Dîm Rheoli yn dosbarthu'r wybodaeth mewn cyfarfodydd rheolwyr er mwyn atgyfnerthu'r weithdrefn newydd, ond efallai nad oedd nifer yr achosion a gofnodwyd yn adlewyrchu'r achosion gwirioneddol yn gywir ac nad oedd pob rheolwr yn ymwybodol o'r weithdrefn.

Ychwanegodd fod mwy o risgiau a digwyddiadau a fu bron â digwydd yn cael eu hadrodd ond nad oedd y broses yn cael ei dilyn er mwyn sicrhau bod yr wybodaeth berthnasol yn cyrraedd y swyddog yswiriant.

Mynegodd Aelod bryderon ynghylch gwallau dynol o ran digwyddiadau. Os oedd rhywbeth yn ddigon difrifol, efallai na fydd llawer o bobl am roi gwybod am hyn gan eu bod yn gwybod y gallent wynebu canlyniadau. Eglurodd y Pennaeth Cyllid Dros Dro mai'r gobaith oedd y gallai'r drefn gynnig gwersi i'w dysgu, yn hytrach na'i defnyddio i feio unigolion.

Gofynnodd Aelod pa mor gyflym y cafodd camau eu cymryd unwaith y roedd y ffurflen wedi'i llenwi. Dywedodd y Prif Weithredwr fod camau'n cael eu cymryd yn gyflym fel arfer ond pwysleisiodd mai’r peth pwysicaf oedd dysgu o gamgymeriadau a gwneud yn si?r nad oedd y materion yn digwydd eto yn y dyfodol.

Dywedodd un Aelod y gallai fod angen gwneud mwy o waith ar ein Partneriaethau Diogelwch Cymunedol a sicrhau bod cyrff allanol fel SWP yn cymryd mwy o berchnogaeth o sefyllfaoedd ac yn sefydlu eu mesurau ataliol eu hunain.

PENDERFYNWYD: Bod y Pwyllgor wedi ystyried yr adroddiad ar ddigwyddiadau a digwyddiadau a fu bron â digwydd yn Atodiad B, a'i fod yn fodlon â'r camau i atal digwyddiadau rhag digwydd eto

Roedd yr Aelodau'n dymuno gwneud y sylwadau a'r casgliadau canlynol:

Mae'r Pwyllgor yn nodi y bydd adroddiad blynyddol yn cael ei gyflwyno i'r Pwyllgor i'w ystyried.

Awgrymodd yr Aelodau y dylid darparu astudiaeth achos i ddangos sut mae'r broses wedi gweithio e.e. o lenwi ffurflen i gyfeiriad teithio.

Gofynnodd yr Aelodau am sicrwydd y byddai'r gweithdrefnau'n cael eu dilyn yn gadarn,  ...  Gweld y cofnodion lawn ar gyfer eitem 151.

Cyflwynodd y Prif Weithredwr adroddiad a oedd yn rhoi trosolwg o berfformiad y Cyngor o chwarter dau 2019-20.

Dywedodd fod y data a gasglwyd ar gyfer y ffurflenni hanner blwyddyn yn awgrymu bod y Cyngor ar y trywydd iawn i sicrhau 38 (93%) o'i ymrwymiadau i'w dri amcan llesiant (gwyrdd) gyda rhywfaint o gerrig milltir y 3 (7%) arall ar goll (oren).

Yng nghyswllt y dangosydd cyntaf ar dudalen 95, nododd Aelod fod nifer y diwrnodau gwaith a gollwyd gan staff cyfwerth ag amser llawn oherwydd absenoldeb salwch yn 11.79. A oes unrhyw beth wedi cael ei roi ar waith i fynd i'r afael â hyn.

Dywedodd y Prif Weithredwr fod targed gwella bellach yn ei le a bod nifer o ymyriadau hefyd ar waith i fynd i'r afael â phroblemau fel straen a phryder. Dywedodd fod cyrsiau ymwybyddiaeth ofalgar wedi'u sefydlu yn ystod y misoedd diwethaf, yn ogystal â hysbysebu mynediad at gwnsela, a'i bod yn gyfforddus bod digon wedi'i roi ar waith i weld pa mor dda y byddant yn ei wneud. Ychwanegodd fod angen rhoi'r pwyslais ar y staff a sicrhau eu bod yn cael eu cefnogi a'u cadw mewn gwaith yn hytrach nag aros i staff fod yn absennol o’r gwaith oherwydd salwch.

Gofynnodd Aelod a oedd pigiadau ffliw yn cael eu cynnig i aelodau staff. Dywedodd y Prif Weithredwr mai dim ond timau rheng flaen penodol fel y gwasanaethau cymdeithasol ac ati sy'n cael cynnig pigiadau ffliw ar hyn o bryd.

Dywedodd aelod fod tipio anghyfreithlon wedi cynyddu a'n bod wedi methu'r targed. Credai fod angen edrych ar y gwasanaeth gan nad oedd yn perfformio'n dda. Ychwanegodd y Cadeirydd fod y duedd wedi gostwng o'r un chwarter y llynedd, ond bod y pryderon yn dal yno gan fod yr awdurdod yn safle 21/22 o ran glendid priffyrdd.

Soniodd un aelod am nifer yr eiddo masnachol gwag ym Mhen-y-bont ar Ogwr, gyda nifer ohonynt mewn cyflwr gwael. Gofynnodd a oedd modd i ni gymharu ag awdurdodau eraill. Esboniodd y Cadeirydd y gellid priodoli'r rhan fwyaf o hyn i dueddiadau siopa, h.y. gyda siopa ar-lein yn dod yn fwyfwy poblogaidd. Dywedodd nad oedd landlordiaid wedi gostwng eu hardrethi o ganlyniad, ond y gallai hynny newid oherwydd eu bod yn cael eu gorfodi i dalu ardrethi busnes.

PENDERFYNWYD: Bod y Pwyllgor wedi nodi perfformiad corfforaethol hanner blwyddyn.

Roedd yr Aelodau'n dymuno gwneud y sylwadau a'r casgliadau canlynol:

O ran y DRE 6.6.4 Canran y gweithwyr sy'n cwblhau modiwlau e-ddysgu, holodd yr Aelodau pam fod y targed blynyddol wedi'i leihau o 45% yn 18/19 i 25% yn 19/20, o gofio bod y targed hwn yn cynnwys gofynion gorfodol e-ddysgu?

O ran DC 01.1.3 ii, DC 01.1.3 iii, DC 01.1.3 iv, awgrymodd yr Aelodau fod angen mwy o sylw yma, gan awgrymu darparu cymariaethau gyda threfi eraill, er mwyn cymharu tebyg at ei debyg.

O ran PAM/035, holodd yr Aelodau ynghylch y ffigur Qtr2 gwirioneddol, 2.67 diwrnod, ac ystyried bod y naratif yn nodi ‘Mae hwn yn berfformiad da ac  ...  Gweld y cofnodion lawn ar gyfer eitem 152.

Gofynnwyd i'r Pwyllgor enwebu Aelod newydd yn lle’r Cynghorydd C Webster fel ei Hyrwyddwr Rhianta Corfforaethol i gynrychioli'r Pwyllgor fel Aelod Gwahoddedig i gyfarfodydd Pwyllgor Rhianta Corfforaethol y Cabinet. Etholodd yr Aelodau’r Cynghorydd Nicole Burnett.

Holodd Aelod am gyfrifoldeb y rôl Rhiant Corfforaethol o ganlyniad i achos llys yng Nghaerdydd lle penderfynodd yr Ombwdsmon nad oedd gan Gynghorwyr gyfrifoldeb Rhianta Corfforaethol. Gofynnodd yr Aelod a fyddai modd rhoi eglurhad ar hyn gan fod yr wybodaeth wedi bod yn anghyson.

PENDERFYNWYD: Bod y Pwyllgor wedi enwebu'r cynghorydd Nicole Burnett fel Hyrwyddwr Rhianta Corfforaethol i gynrychioli'r Pwyllgor fel aelod gwahoddedig cynllun Rhianta Corfforaethol Pwyllgor y Cabinet.

Cyflwynodd y Swyddog Craffu ddiweddariad ar y Flaenraglen Waith ar gyfer y Pwyllgor er mwyn ystyried eitemau a drefnwyd i'w trafod ar 24 Ionawr a 13 Chwefror 2020 a cheisio cael cadarnhad o'r wybodaeth sy'n ofynnol ar gyfer y cyfarfod dilynol, y bwriedir ei gynnal ar 23 Mawrth 2020.

Dywedodd y Swyddog Craffu y byddai'r eitem ar Ysgol Gynradd Tynyrheol yn cael ei chyflwyno ar 9 Mawrth, ond erbyn hyn roedd yr ysgol wedi dod allan o fesurau arbennig ac nid oedd yn ofynnol iddi ddod i'r Pwyllgor mwyach. Dywedodd fod yr eitem ar Deithio gan Ddysgwyr bellach wedi cael blaenoriaeth.

Dywedodd y Swyddog Craffu fod Pen-y-bont ar Ogwr Ddi-blastig bellach wedi symud i Bwyllgor Trosolwg a Chraffu 3 ar 18 Mawrth. Gofynnodd Aelod a fyddai modd gofyn i Swyddog Gweithrediadau'r Glanhawyr Strydoedd ddod i'r cyfarfod.

PENDERFYNWYD: Bod y Pwyllgor:

1. Yn nodi'r wybodaeth ychwanegol yr oedd yn dymuno ei chael yng nghyswllt yr eitemau a drefnwyd ar gyfer 13 Chwefror 2020 gan gynnwys y gwahoddedigion yr oeddent yn dymuno iddynt fod yn bresennol yn Atodiad A

Yn cadarnhau'r eitemau sydd wedi'u blaenoriaethu a'u dirprwyo i'r Pwyllgorau Trosolwg a Chraffu ar Bwnc yn Atodiad B.

I ystyried unrhyw eitemau o fusnes y, oherwydd amgylchiadau arbennig y cadeirydd o'r farn y dylid eu hystyried yn y cyfarfod fel mater o frys yn unol â Rhan 4 (pharagraff 4) o'r Rheolau Trefn y Cyngor yn y Cyfansoddiad.

Dim